Last updated on April 20th, 2023 at 04:03 pm
ಕುಡ್ಲ: ಜೆಸಿಬಿಡ್ ಮಣ್ಣ್ ಗರ್ತೊಂದಿಪ್ಪುನ ಪೊರ್ತು ಮಣ್ಣ್ ಜರಿದ್ ಬೂರ್ದ್ ಜೆಸಿಬಿ ಡ್ರೈವರ್ ಅಲ್ಪನೇ ತೀರ್ದಿನ ನಡಕೆ ಗಂಜಿಮಠ ಗ್ರಾಮ ಪಂಚಾಯತ್‌ ಸೀಮೆದ ಮಳಲಿ ನಾಡಾಜೆಡ್ ನಡತ್‌ದ್ಂಡ್.
ಜೆಸಿಬಿಯ ಡ್ರೈವರ್ ಝಾರ್ಖಂಡ್‌ ರಾಜ್ಯೊದ ಕೊಸಾರ್‌ ಅನ್ಸಾರಿ ಪಂದ್ ತೆರಿದ್‌ಬೈದ್ಂಡ್.
ಮಣ್ಣ್ ದೆಪ್ಫುನ ಪೊರ್ತು ಜೆಸಿಬಿದ ಮಿತ್ತ್ ಅಂಚೆನೇ ಉಂತುದಿತ್ತಿನ ಟಿಪ್ಪರ್‌‌ದ ಪಿರವು ಮೆಯಿಕ್ ಮಣ್ಣ್ ಜರಿದ್ ಬೂರ್ದ್, ಅವೆಟ್ ಜೆಸಿಬಿದ ಡ್ರೈವರ್ ತಿಕ್‌ದ್‌ಬೂರೊಂದೆರ್ ಪಂದ್ ಪನೊಂದುಲ್ಲೆರ್. ಅಪಗನೇ ಮುಟ್ಟದಕುಲು ಅಂಚೆನೇ ರಡ್ಡ್ ಬೇತೆ ಜೆಸಿಬಿಲೆನ ಸಕಾಯೊಡು ಮಣ್ಣ್ ದೆತ್ತ್ಂಡಲಾ, ಮಣ್ಣ್ ದೆತ್ತ್‌ದಾನಗ ಡ್ರೈವರ್ ತೀರ್ದ್ ಪೋದಿತ್ತೆರ್.
ಜಾಗೆಗ್ ಅಗ್ನಿಶಾಮಕ ದಳ, ಬಜ್ಪೆ ಪೊಲೀಸೆರ್ ಭೇಟಿ ಕೊರ್ತೆರ್.
