ದಕ್ಷಿಣ ಕನ್ನಡ ಜಿಲ್ಲೆದ ಮಾತಾ ಕ್ಷೇತ್ರೊಲೆಡ್ಲಾ ಅಭ್ಯರ್ಥಿ ಪಾಡರೆ ಜೆಡಿಎಸ್ ತೂವೊಂದುಂಡು

Last updated on April 9th, 2023 at 04:35 pm

ಕುಡ್ಲ ಜಿಲ್ಲೆಡ್ ಮಾತ್ರ ಅತ್ತಂದೆ ತುಳುನಾಡೊರ್ಮೆ ಓಟು ಪಂಡ ಇತ್ತೆದ ಲೆಕ್ಕೊಡು ಬಿಜೆಪಿ ಕಾಂಗ್ರೇಸ್ದ ನಡುಟು ನಿಡ್ಪದ ಪಂತ ಲೆಕ್ಕ. ಆಂಡ ಒಂಜಿ ಕಾಲೊಡು ಜೆಡಿಎಸ್‌ಗ್ಲಾ ಅವೆತನೇ ಆಯಿನ ಓಟು ಬೇಸ್ ಮುಲ್ಪ ಇತ್ತ್ಂಡ್. ಅಂಚಾದ್ ಮೂಲೊಲೆನ ಪ್ರಕಾರೊಡು ಕುಡ್ಲ ಜಿಲ್ಲೆದ ಎನ್ಮ ಕ್ಷೇತ್ರೊಲೆಡ್ಲಾ ಜೆಡಿಎಸ್ ಅಭ್ಯರ್ಥಿಲೆನ್ ಪಾಡುನೆಟ್ಟ್ ಉಂಡು ಪನ್ದ್ ತೆರಿದ್ ಬೈದ್ಂಡ್.

ಜೆಡಿಎಸ್‌ದ ವಕ್ತಾರೆ ಎಂ.ಬಿ ಸದಾಶಿವ ಮೇರ್ ದಕ್ಷಿಣ ಕನ್ನಡ ಜಿಲ್ಲೆದ ಜೆಡಿಎಸ್ ಅಭ್ಯರ್ಥಿಲೆನ ಪುದರ್ ರಡ್ಡನೇ ಪಟ್ಟಿಡ್ ಬರ್ಪುಂಡು ಪನ್ದ್ ತೆರಿಪಾದೆರ್. ಎಂಕುಲು ಮಾತಾ ಕ್ಷೇತ್ರೊಡು ಅಭ್ಯರ್ಥಿಲೆನ್ ಪಾಡುನ ಸಾಧ್ಯತೆ ಉಂಡು ಪನ್ದ್ ಪಂತೆರ್. ಎಂಕುಲು ಮಾತಾ ಕ್ಷೇತ್ರೊಡು ಆಪಿನ ಬುಲೆಚ್ಚಿಲ್ ತೂವೊಂದುಲ್ಲ, ಸುಮಾರ್ ಜನ ಜೆಡಿಎಸ್ ಟಿಕೆಟ್ ಡ್ ಓಟುದ ಕಲೊಕು ಜಪ್ಪರೆ ಉಮೇದ್‌ಡ್ ಉಲ್ಲೆರ್. ಆಯಿನಾತ್ ಬೇಗೊಡು ಅಭ್ಯರ್ಥಿಲೆನ ಪುದರ್ ಬರ್ಪುಂಡು ಪನ್ದ್ ಪಂಡೆರ್.