Last updated on April 11th, 2023 at 03:09 pm
ಬಸ್‌ದ ಪಿರವು ಸೀಟ್‌ಡ್ ಕುಲ್ದಿತ್ತಿನ ಪೊಂಜೊವು ಒರ್ತಿ ಬಸ್‌ಡೇ ತಿರ್ತ್ ಬೂರ್ದ್ ಗಾತಿದ ಪೆಟ್ಟ್‌ಲಾತಿನ ನಡಕೆ ಪೇಂಟೆದ ಲೇಡಿಹಿಲ್ ಸಾಯಿಬಾಬಾ ಮಂದಿರೊದ ಬರಿಟ್ ಸಡತ್‌ದ್ಂಡ್.
ಪಾರ್ವತಮ್ಮ (53) ಪೆಟ್ಟಾತಿನ ಪೊಂಜೊವು.
ಪಾರ್ವತಮ್ಮ ತನ್ನ ಕಂಡನೆ ಬೊಕ್ಕ ಪುಲ್ಲಿನೊಟ್ಟು ಕುಡ್ಲದ ಆಸ್ಪತ್ರೆಗ್ ಬತ್ತ್‌ದ್, ಪಿರ ಒಡಿಪುಗು ಪೋವೊಂದಿತ್ತೆರ್.
ಈ ಪೊರ್ತು ಬಸ್ ಲೇಡಿಹಿಲ್ ಸಾಯಿಬಾಬಾ ಮಂದಿರೊದಡೆ ಎತ್ತ್‌ನಗ ಬಸ್ ಡ್ರೈವರ್ ಹಂಪ್ಸ್‌ದಂಚಿ ಗೇನಕೊರಂದೆ ಒರಾನೆ ಬ್ರೇಕ್ ಪಾಡಿನೆರ್ದಾವರ ಬಸ್‌ದ ಪಿರವು ಸೀಟ್‌ಡ್ ಕುಲ್ದಿತ್ತಿನ ಪಾರ್ವತಮ್ಮ ಮೇರ್ ಬಸ್ಸ್‌ದುಲಯಿ ಬೂರ್ದ್ ಸೊಂಟ ಬೊಕ್ಕ ಬೆರಿಮುಲ್ಲು ಪೊಲ್ತೊಂದೆರ್.
ಪೊಂಜೊವುನು ಆಸ್ಪತ್ರೆಗ್ ಸೇರ್ಪಾದೆರ್. ಈ ಬಗ್ಗೆ ಕುಡ್ಲ ಪಡ್ಡಾಯಿ ಸಂಚಾರ ಠಾಣೆಡ್ ಪ್ರಕರಣೊಲಾ ದಾಕ್ಲಾತ್ಂಡ್.