Last updated on April 19th, 2023 at 01:10 pm
ಕುಡ್ಲ: ಆನ್‌ಲೈನ್‌ಡ್ ಪಾರ್ಟ್ ಟೈಮ್ ಬೇಲೆದ ಆಸೆ ತೋಜಾದ್ ₹ 1.62 ಲಕ್ಷ ಲೂಟಿನ ಬಗ್ಗೆ ಸೆನ್ ಪೋಲೀಸ್ ಸ್ಟೇಷನ್‌‌ಡ್ ಒಯಿಲ್ ದಾಕಲಾತ್ಂಡ್.
ಒಯಿಲ್ ಕೊರ್ತಿನ ಜನ ಪನ್ಪಿನ ಪಿರ್ಕಾರ ವಾಟ್ಸಾಪ್‌ ನಂಬರ್‌ಗ್ ಲೈಲಾ ಪನ್ಪಿನಾರ್ ಮೆಸೇಜ್ ಮಲ್ತ್‌ದ್ ಆನ್‌ಲೈನ್‌ಡ್ ಪಾರ್ಟ್ ಟೈಮ್ ಬೇಲೆ ಉಂಡೂ ಪಂದ್ ಪಂದಿತ್ತೆರ್. ಬೊಕ್ಕ ಯೂಟ್ಯೂಬ್ ಚಾನೆಲ್‌ದ ಲಿಂಕ್ ಕಡಪುಡ್ದ್ ಅನೆನ್ ಸಬ್‌ಸ್ಕ್ರೈಬ್ ಮಲ್ತ್ಂಡ 50 ರೂ. ಅಂಚೆನೇ ಕುಡೊಂಜಿ ಯೂಟ್ಯೂಬ್ ಚಾನೆಲ್‌ದ ಲಿಂಕ್ ಕಡಪುಡ್ದ್ ಅವೆನ್ ಸಬ್‌ಸ್ಕೈಬ್‌ ಮಲ್ತ್ಂಡ 50 ರೂ. ತಿಕ್ಕುಂಡು ಪಂದ್ ಪಂತೆರ್. ಈತ್ ಆಯಿ ಬೊಕ್ಕ ಮೂಜನೇ ಟಾಸ್ಕ್ ಪಂದ್ ಟೆಲಿಗ್ರಾಂ ಆ್ಯಪ್ಡ್ ರಿಸೆಪ್ಶನಿಸ್ಟ್‌ ಸಾರಾ ಜಾರ್ಜ್‌ ಪನ್ಪಿನಾರೆಡ ಪಾತೆರ್ಲೆ ಪಂದ್ ಪನ್ತೆರ್. ನೆನ್ನ್ ಮಾತ ನಂಬಿನ ಒಯಿಲ್‌ಕೊರ್ತಿನಾರ್ ಟೆಲಿಗ್ರಾಂ ಆ್ಯಪ್ಡ್ ರಿಸೆಪ್ಶನಿಸ್ಟ್‌ ಸಾರಾಡ ಪಾತೆರ್ದೆರ್. ಆಲ್ ಚಾನೆಲ್‌ಲೆನ್ ಸಬ್ ಸ್ಕ್ರೈಬ್ ಮಲ್ತಿಬೊಕ್ಕ ಆರೆನ ಬ್ಯಾಂಕ್‌ ಅಕೌಂಟ್ ನಂಬರ್‌ ಕೇಂದ್ 150 ರೂಪಾಯಿನ್ ಪೇಟಿಎಂ ಬ್ಯಾಂಕ್‌ ಅಕೌಂಟ್‌ಗ್ ಪಾಡ್ದಲ್. ಬೊಕ್ಕ ಮೆರೆನ್ ಟೆಲಿಗ್ರಾಂ ಪಾರ್ಟ್ ಟೈಮ್ ಜಾಬ್‌ ಗ್ರೂಪ್‌ಗ್ ಗೋಡ್ಯಾದೆರ್. ಉ್ಂದೆಟ್ ದಿನೊಕು 25 ಟಾಸ್ಕ್ ಇಪ್ಪೆದ್ಂಡ್ , ಅವೆಟ್ 20 ಟಾಸ್ಕ್ ಅನ್‌ಪೇಯ್ಡ್, ಒರಿನ 5 ಪೇಯ್ಡ್ ಟಾಸ್ಕ್ ಇಪ್ಪೆದ್ಂಡ್. ಪ್ರತೀ ಅನ್‌ಪೇಯ್ಡ್ ಟಾಸ್ಕ್‌ಡ್ ಯೂಟ್ಯೂಬ್ ಚಾನೆಲ್ ಸಬ್ ಸ್ಕ್ರೈಬ್‌ದ ಲಿಂಕ್ ಕೊರ್ಪೆದೆರ್. ಇಂಚ 5 ಪೇಯ್ಡ್ ಟಾಸ್ಕ್‌ಲೆಡ್ ಮೆಲ್ಲಮೆಲ್ಲೊಡು ತೊಡು ತೋಜಾದ್ 1.62 ಲ.ರೂ. ದಗೆ ಮಲ್ದೆರ್ ಪಂದ್ ಒಯಿಲ್‌ಡ್ ಬರೆತೆರ್.