Last updated on April 20th, 2023 at 01:32 pm
ಬಡಕಾಯಿ ಕುಡ್ಲ ಕ್ಷೇತ್ರದ ಟಿಕೆಟ್ ಆಕಾಂಕ್ಷಿ ಆದಿತ್ತಿನ ಮಾಜಿ ಶಾಸಕೆ ಮೊಯ್ದೀನ್ ಬಾವೆರ್ ಟಿಕೆಟ್ ಕೈತಪ್ಪರೆ ಡಿ.ಕೆ ಶಿವಕುಮಾರ್ ಕಾರಣ ಪನ್ದ್ ಪಿಸಿರಾಯೆರ್. ಮುಲ್ಪ ಮಲ್ತಿನ ಸಮೀಕ್ಷೆಡ್ 78% ಜನಕುಲು ಎಂಕ್ ತಿಕ್ಕೊಡು ಪನ್ದ್ ಪನ್ದಿತ್ತೆರ್, ಕಾಲಿ 7% ಜನ ಇನೀಯತ್ ಅಲಿನ ಪರವಾದ್ ಇತ್ತಿನಿ. ಇಂಚ ಉಪ್ಪುನಗ ವಾ ಲೆಕ್ಕೊಡು ಎಂಕ್ ಟಿಕೆಟ್ ತಿಕ್ಕಿಜಿ? ಟಿಕೆಟ್‌ಗಾದ್ ಈ ಪಾಸದ ಪೊರ್ತುಡುಲಾ ಎನನ್ ಇಲ್ಲ ಇಲ್ಲಗ್ ನಲ್ಪಾಯೆರ್, ಕಡೆಕ್ ನಮ್ಮ ಜಿಲ್ಲೆಡ್ ಕಾಂಗ್ರೇಸ್‌ನ್ ಮುಗಿಪರೆಗಾದ್ ಮೊಕುಲು ಜನಬೆರಿಬಲ ದಾಂತಿನ ಜನಕ್ ಟಿಕೆಟ್ ಕೊರಿಯೆರ್ ಪನ್ದ್ ಪಂಡೆರ್. ಆತ್ ಅತ್ತಂದೆ ಕಾಂಗ್ರೇಸ್‌ದ ವಿರುದ್ದ ಜೆಡಿಎಸ್ ಪಕ್ಷೊರ್ದು ಯಾನ್ ಓಟುದ ಕಲೊಕು ಕುಡ್ಲ ಬಡಕಾಯಿ ಕ್ಷೇತ್ರೊಡು ಜಪ್ಪುವೆ ಪನ್ದ್ ಪಂಡೆರ್.