Last updated on April 25th, 2023 at 08:38 am
ರಡ್ಡ್ ವರ್ಸ ತನ್ನ ಕಣ್ಣ್ ತೋಜಂದಿನ ಮಗಲೆನ ಕ್ಲಾಸ್‌ದ ಪಿದಯಿ ಕುಲ್ಲುದು ಮಗಲೆಗ್ ಸಕಾಯ ಮಲ್ಪರೆ ಪುನೆಯಿನ ಚಂದ್ರಕಲಾ ಶೆಟ್ಟಿ ಮೆರೆನ ಪುನೆಪುಗು ಫಲ ತಿಕ್ಕ್‌ದ್ ಮೆರೊನ ಮಗಲ್ ಪಿಯುಸಿ ಕಲಾ ವಿಭಾಗೊಡು ಫಸ್ಟ್ ಕ್ಲಾಸ್‌ಡ್ ಪಾಸ್ ಆಯೊಲು.
ಚಂದ್ರಕಲಾ ಮೇರ್ ಪತ್ತನೇ ಕ್ಲಾಸ್ ಮುಟ್ಟ ಕಲ್ದೆರ್. ಮೆರೆನ ಮಗಲ್ ಶೃತಿ ಜಿ. ಶೆಟ್ಟಿ ಮೆರೆಗ್ ಸಕಾಯ ದಾಂತೆ ಕಲ್ಪರೆ ಬಂಗ ಆವು ಪನ್ದ್ ತೆರಿದ್ ಅಪ್ಪೆ ದಿನಾಲ ಮಗಲೆನೊಟ್ಟುಗು ಕಾಲೇಜಿಗ್ ಪೋದು, ಮಗಲ್ ಕ್ಲಾಸ್‌ಡ್ ಉಪ್ಪುನಗ ಮೇರ್ ಕಾರಿಡಾರ್‌ಡ್ ಕುಲ್ಲುದು ಪಾಟ ಕೇನೊಂದಿತ್ತೆರ್. ಅಲ್ಪ ನೋಟ್ಸ್ ಮಲ್ತ್ ಕುಡ ಇಲ್ಲಗ್ ಬತ್ತ್ ತನ್ಕ್ ತೆರಿನೆನ್ ಮಗಲೆಗ್ ಪನ್ದ್ ಕೊರೊಂದಿತ್ತೆರ್.
ಪುಟ್ಟಿನೆರ್ದಿಂಚಿ ಶೃತಿಗ್ ಕಣ್ಣ ದಿಟ್ಟಿ ಇಜ್ಜಿ, ಆಂಡ ಡಾಕ್ಟರ್‌ನಕಲೆನ ಪ್ರಕಾರ ದೃಷ್ಟಿ ಬರ್ಪಿನ ಸಾಧ್ಯತೆ ಉಂಡು. ಶೃತಿನ ಅಮರ್ ಶೃತಿಕ್ ಶೆಟ್ಟಿ ಆರೋಗ್ಯವಾದ್ ಉಲ್ಲೆರ್, ಮೇರ್ಲಾ ಪಿಯುಸಿ ಕಾಮರ್ಸ್‌ ಮಲ್ತೆರ್.
ದಿನಾಲ ಶೃತಿನ ಅಮ್ಮೆರ್ ಜಗನ್ನಾಥ ಶೆಟ್ರ್ ಅಪ್ಪೆನ್ಲಾ ಮಗಲೆನ್ಲಾ ತನ್ನ ರಿಕ್ಷೊಡು ಕಾಲೇಜಿಗ್ ಬುಡೊಂದಿತ್ತೆರ್. ರಡ್ಡ್ ವರ್ಸ ಇಂಚೆನೇ ನಡತ್ಂಡ್, ಶೃತಿಕ್‌ಲಾ ಅರ್ಥಶಾಸ್ತ್ರ ಕಲ್ಪರೆ ಸಕಾಯ ಮಲ್ತೆ. ಸುರುತ ಪಿಯುದ ಪೊಣ್ಣು ಸಿಂಚನೈ ಪನ್ಪಿನಾಲ್ ಪರೀಕ್ಷೆಡ್ ಸ್ಕ್ರೈಬ್ ಮಲ್ತ್ ಸಕೈಯ ಮಲ್ತೊಲು. ಇಂಚ ಮಾತೆರೆನ ಸಹಕಾರೊಡು ಇನಿ ಶೃತಿ ಫಸ್ಟ್ ಕ್ಲಾಸ್ ಪಾಸಾಯೆರ್.