Last updated on April 13th, 2023 at 08:23 am
ತುಳುನಾಡೊರ್ಮೆ ದೊಂಬುದ ಪೆಟ್ಟ್ ದಡೀಟುಂಡು. ಇಂಚ ಉಪ್ಪುನಗ ಅಲ್ಪಲ್ಪ ಇತ್ತಿನ ನೀರ್‌ದ ಸಿಲೆಕುಲು ಪೂರಾ ಬಚ್ಚಿದೇ ಪೋತುಂಡು. ಪಕ್ಕಿ ಮುರ್ಗೊಲೆಗ್ ನೀರ್ ತಿಕ್ಕಂದಿನ ಪರಿಸ್ಥಿತಿ ಬೈದ್ಂಡ್. ಇಂಚ ಉಪ್ಪುನಗ ಪಕ್ಕಿಲೆಗ್ ನೀರ್ ದೀಪಿನ ಬೇಲೆನ್ ನಮ ಮಲ್ಪೊಡು. ನಮ್ಮ ಇಲ್ಲಲ್ಪ ಬರ್ಪಿನ ಕಾಡ್ ಪಕ್ಕಿಲು ನೀರ್ ತಿಕ್ಕುಂಡಾ ತಿನರೆ ದಾಲ ತಿಕ್ಕುಂಡಾ ಪನ್ಪಿ ಅಂಗಲ್ಪುಡು ಬರ್ಪ. ದೊಂಬುದ ಬೇಂಕೆ ತಡೆವರೆ ಆವಂದೆ, ಬಾಜೆಲ್‌ಡ್ ನೀರ್ ದಾಂತೆ ಏತೋ ಪಕ್ಕಿಲು ಪೆರನ ಬುಡೊಂದುಲ್ಲ. ಇಂಚ ಉಪ್ಪುನಗ ಮಾತೆರೆಡ ತುಳುವಾಣಿದ ಬಿನ್ನಪು ದಾದ ಪನ್ಡ, ಒಂಜಿ ತಿಪ್ಪಿಡಾ, ಬಾಜನೊಡಾ ನಿರೆಲ್ ಇತ್ತಿನ ಜಾಗೊಡು ಪಕ್ಕಿಲೆಗಾದ್ ಅಲ್ಪಲ್ಪ ನೀರ್ ದೀಲೆ. ಅರೆಗಲ ಮುಗಿನಮುಟ್ಟ ದಿನಾಲ ದೀವೊಂದುಪ್ಪುಲೆ. ರಡ್ಡ್ ಪಕ್ಕಿಲು ಬತ್ತ್ ಅವೆಟೇ ನೀರ್ ಪರ್ಂಡ, ರಡ್ಡ್ ಜೀವೊಲೆನ್ ಒರಿಪಾವುನ ಪುಣ್ಯ ಬರು ನಿಕಲೆಗ್.