ಕೊಡವೆರೆಗ್ ಪ್ರತ್ಯೇಕ ಸ್ಥಾನಮಾನ : ಕೇಂದ್ರ ಬೊಕ್ಕ ರಾಜ್ಯ ಸರಕಾರೊಗು ನೋಟೀಸ್ ಕೊರಿನ ಹೈಕೋರ್ಟ್

Last updated on April 18th, 2023 at 07:56 pm

ಕೊಡವೆರೆಗ್ ಭೌಗೋಳಿಕ ಬೊಕ್ಕ ರಾಜಕೀಯ ತನ್ನಾಳ್ಮೆ ತಿಕ್ಕರೆ ಕೊಡವ ನ್ಯಾಷನಲ್ ಕೌನ್ಸಿಲ್ ದಕಲೆನ ಸಂವಿಧಾನಾತ್ಮಕ ಬೇಡಿಕೆನ್ ದುಂಬು ದೀವೊಂದು ಈ ಬಗೆಟ್ ಒಂಜಿ ಆಯೋಗ ರಚಿಪೊಡು ಪನ್ಪಿನ ಅರ್ಜಿದ ಒರುಟು ಕರ್ನಾಟಕ ಹೈ ಕೋರ್ಟ್ ಸೋಮಾರ ಕೇಂದ್ರ ಬೊಕ್ಕ ರಾಜ್ಯ ಸರಕಾರೊಗು ನೋಟೀಸ್ ಕೊರ್ತುಂಡು.

ಕೊಡವ ನ್ಯಾಷನಲ್ ಕೌನ್ಸಿಲ್ದಕಲೆನ ಪರವಾದ್ ರಾಜ್ಯಸಭಾ ಸದಸ್ಯೆರಾಯಿನ ಸುಬ್ರಹ್ಮಣ್ಯ ಸ್ವಾಮಿ ಪಾಡಿನ ಅರ್ಜಿನ್ ವಿಚಾರಣೆ ಮಲ್ತಿನ ವಿಭಾಗೀಯ ಪೀಠ ಕೇಂದ್ರ ಕಾನೂನು ಇಲಾಖೆ ಬೊಕ್ಕ ರಾಜ್ಯ ಸರಕಾರೊಗು ನೋಟೀಸ್ ಕೊರ್ದು ವಿಚಾರಣೆನ್ ಜೂನ್ 15ಕ್ಕ್ ದುಂಬು ಕೊನೊಂಡು. ಕೊಡವರೆಗ್ ಸ್ವಾಯತ್ತ ಕೊರೊಡು, ಕರ್ನಾಟಕ ರಾಜ್ಯದುಲಾಯಿ ಅಟೋನೊಮಸ್ ಕೌನ್ಸಿಲ್ ಇಜಿಂಡ ಕೇಂದ್ರಾಡಳಿತ ಪ್ರದೇಶ ಮಲ್ಪೊಡು ಪನ್ಪಿನ ಬೇಡಿಕೆ ಸುಮಾರ್ ವರ್ಸೊರ್ದಿಂಚಿ ಉಂಡು. 1956ಟ್ಟ್ ಕರ್ನಾಟಕದ ಅಡಿಕ್ ಬರೊರ್ದು ದುಂಬು ಕೊಡವನಾಡ್ ಒಂಜಿ ಪ್ರತ್ಯೇಕ ರಾಜ್ಯ ಆದಿತ್ತ್ಂಡ್ ಪನ್ದ್ ನಮ ನೆಂಪು ದೀವೊನೊಡು.