ಸುಳ್ಯ : ರಾಜಕೀಯ ನಿವೃತ್ತಿನ್ ಪಿರ ದೆತೊನಿನ ಅಂಗಾರೆರ್, ಪಕ್ಷದ ಅಭ್ಯರ್ಥಿ ಗೆಂದರೆ ಪುನೆಪುವೆ ಪಂಡೆರ್

Last updated on April 14th, 2023 at 03:06 pm

ಇಂಚಪ್ಪೊಗು ಟಿಕೆಟ್ ತಿಕ್ಕಂದಿನೆಕ್ಕ್ ಯಾನ್ ರಾಜಕೀಯ ನಿವೃತ್ತಿ ದೆತೊನುವೆ, ನನ ಪಕ್ಷ ಅಭ್ಯರ್ಥಿನ್ ಅಕಲೆಗ್ ಬೋಡಾಯಿಲೆಕ್ಕ ಗೆಂದಾವಡ್ ಪನ್ದ್ ಶಾಸಕೆ ಅಂಗಾರೆರ್ ಪಂದಿತ್ತೆರ್. ಆಂಡ ಇತ್ತೆ ಸುದ್ದಿಘೋಷ್ಟಿ ಮಲ್ತ್ ಪಾತೆರಿನ ಆರ್, ಟಿಕೆಟ್ ತಿಕ್ಕಂದಿನ ಒರ ಬೆಸರ್ ಆದಿತ್ತ್ಂಡ್ ಅಂಚ ಅವ್ ಪಾತೆರ ಬೈದಿತ್ತ್ಂಡ್. ಎನ್ನ ಪಾತೆರ ಪಿರ ದೆತ್ತೊಂದು ಸಕ್ರೀಯ ರಾಜಕೀಯಡ್ ಇತ್ತ್ ಪಕ್ಷದ ಅಭ್ಯರ್ಥಿ ಗೆಂದರೆ ಪುನೆಪೆ ಪನ್ದ್ ಪಂಡೆರ್. ಸುಳ್ಯ ಪ್ರೆಸ್ ಕ್ಲಬ್‌ಡ್ ಪಾತೆರಿನ ಆರ್, ಅಭ್ಯರ್ಥಿನ ಆಯ್ಕೆ ಬಗೆಟ್ ಬೆಸರ್ ಇಜ್ಜಿ ಆಂಡ ಎಂಕ್ ಪನಂದೆನೇ ಬದಲ್ತಿನ ಬೆಸರಾದಿತ್ತ್ಂಡ್. ಯಾನ್ ರಾಜಕೀಯ ನಿವೃತ್ತಿ ದೆತೊನುವೆ ಪನಿಬೊಕ್ಕ ಎನ್ನ ಬಗೆಟ್ ಬೇತೆ ಬೇತೆ ಚರ್ಚೆಲು ಆವೊಂದಿತ್ತ್ಂಡ್, ಉಂದೆರ್ದಾತ್ರ ಎನ್ನ ಕ್ಷೇತ್ರದ ಮತದಾರೆರೆಗ್ ತಪ್ಪು ಸಂದೇಶ ಪೋವರೆ ಬಲ್ಲಿ ಪನ್ದ್ ಎನ್ನ ನಿರ್ಧಾರ ಪಿರ ದೆತ್ತೊಂದುಲ್ಲೆ ಪನ್ದ್ ಪಂಡೆರ್.