Last updated on April 11th, 2023 at 10:23 am
ಇಲ್ಲಗ್ ಪೊಗ್ಗುದು ಲಕ್ಷಗಟ್ಲೆ ರೂಪಾಯಿ ಮೌಲ್ಯೊದ ಪದ್ದೈಬಂಗಾರ್, ಪಣವು ಕಂಡಿನ ನಡಕೆ ಶಿರೂರು ಮಾರ್ಕೆಟ್ ಬರಿತ ಒಂಜಿ ಇಲ್ಲಡ್ ನಡತ್‌ದ್ಂಡ್ ನಡೆದಿದೆ.
ಶಿರೂರು ಮಾರ್ಕೆಟ್ ಬರಿತ ಹಾರ್ಡ್‌ವೇರ್ ಕಸುಬು ಮನ್ತೊಂದುಪ್ಪುನ ಅಜೀಮ್ ಪನ್ಪಿನಾರ್ ರಾತ್ರೆ ವನಸ್ ಮಲ್ತ್ ಪಲ್ಲಿಗ್ ಪೋದು ಪಿರ ಬನ್ನಗ ಇಲ್ಲಡ್ ನಡತಿನ ಕಲ್ವೆದ ಬಗ್ಗೆ ತೆರಿದ್ಂಡ್.
ಇಲ್ಲಗ್ ಪೊಗ್ಗಿನ ಕಲ್ವೆರ್ ಇಲ್ಲಡಿತ್ತಿನ 18 ಲಕ್ಷ ರೂಪಾಯಿ ಮೌಲ್ಯೊದ ಬಂಗಾರ್ ಅಂಚೆನೇ 12 ಲಕ್ಷ ಪಣವು ಕಲ್ವೆ ಮಲ್ದೆರ್. ಕರಿನ ವಾರೊಡು ರಜೆ ಇತ್ತಿನೆರ್ದಾವರ ವೈವಾಟ್‌ದ ಕಾಸ್‌ನ್ ಬ್ಯಾಂಕ್‌ಗ್ ಪಾಡಂದೆ ಇಲ್ಲಡೇ ದೀದಿತ್ತೆರ್. ಈ ಇಸಯ ತೆರಿನಕುಲೇ ಏರ್ಲಾ ಕಂಡ್‌ದುಪ್ಪೊಡು ಪನ್ಪಿ ಸಂಶಯೊಲಾ ಉಂಡು.
ಈ ಬಗ್ಗೆ ಬೈಂದೂರು ಪೊಲೀಸೆರ್ ಪ್ರಕರಣ ದಾಕಲ್ ಮಲ್ತೊಂದು ಜಡ್ತೆ ಮನ್ತೊಂದುಲ್ಲೆರ್.