Last updated on April 14th, 2023 at 08:46 am
ಯಶಪಾಲ್ ಸುವರ್ಣನೊಟ್ಟುಗು ಓಟುದ ಅಕೇರಿದ ದಿನ ಮುಟ್ಟಲ ಎನ್ನನೇ ಓಟುದಲೆಕ್ಕ ಪ್ರಚಾರ ಮಲ್ಪುವೆ ಪನ್ದ್ ರಘುಪತಿ ಭಟ್ ಪಂಡೆರ್. 60,000 ಮತೊಕುಲೆನ ಅಂತರೊಡು ಯಶ್‌ಪಾಲ್ ಗೆಂದ್‌ಗ್ ಬರ್ಪೆರ್. ಮಾತೆರ್ಲಾ ಒಂಜೇ ಮನಸ್‌ಡ್ ಬೇಲೆ ಮಲ್ಪುವ, ಮಾತಾ ಗೊಂದಲೊಲೆನ್ ಮದತ್ ಅಭ್ಯರ್ಥಿ ಗೆಂದರೆ ಪುನೆಪ ಪನ್ದ್ ಪಂಡೆರ್.
ಯಾನ್ ಕೋಡೆ ಬೆಸರ್‌ಡ್ ಅಂಚಿನ ಪಾತೆರೆಲೊನ್ ಪಂತಿನಿ. ಎನ್ನ ಅಭಿಮಾನಿಲೆಡ ಬಿನ್ನಪು ದಾದ ಪನ್ಡ ಸಾಮಾಜಿಕ ಜಾಲತಾಣೊಡು ಚರ್ಚೆ ಮಲ್ಪೊಡ್ಚಿ ಬುಡ್ಲೆ. ನನ ದುಂಬು ಸುವರ್ಣೆರೆನ್ ಗೆಂದಾವುನ ವಾಟ್ಸಾಪ್ ಮೆಸೇಜುಲೆನ್ ಮಲ್ಪುಲೆ. ಮಾಜಿ ಸಿಎಂ ಯಡಿಯೂರಪ್ಪೆರ್ ಎಂಕ್ ಲೆಪ್ಪು ಕೊರ್ದು ಪಾತೆರಿಯೆರ್, ಪಕ್ಷ ಎಂಕ್ ಮೂಜಿ ಸಲ ಎಂಎಲ್ಎ ಆಪಿನ ಅವಕಾಶ ಕೊರ್ತುಂಡು. ಸಾಮಾನ್ಯ ಕುಟುಮೊಡು ಬತ್ತಿನ ಎನ್ನಂಚಿನಕುಲು ಮೂಜಿ ಸಲ ಎಂಎಲ್ಎ ಆಪಿನ ಮಲ್ಲ ವಿಷಯೊ ಪನ್ದ್ ಪಂಡೆರ್.