Last updated on May 16th, 2023 at 03:34 pm
ಕಡಬ: ಸುಳ್ಯ ವಿಧಾನಸಭಾ ಕ್ಷೇತ್ರೊದ ರಾಮಕುಂಜ ಬೂತ್ ನಂಬ್ರ 6ಟ್ ಚಲಾವಣೆ ಆತಿನ ಇವಿಎಂದ ಓಟು ಲೆಕ್ಕ ಆವಂದೆ ಬಾಕಿ ಒರಿದ್ಂಡ್. ಉ್ಂದೆಕ್ ಅಧಿಕಾರಿಲೆನ ನಾಮಾಸ್ ಕಾರಣ.
ಬೂತ್‌ಡ್ ಓಟು ಸುರು ಆಪಿನ ದುಂಬು ಅಭ್ಯರ್ಥಿಲೆನ ಏಜೆಂಟ್‌ಲೆನ ಎದುರುಡು ಮಾದರಿ ಓಟು ಮನ್ಪುನ ಕ್ರಮೊ ಉಂಡು. ಬೊಕ್ಕ ಈ ಓಟುಲೆನ್ ಡಿಲೀಟ್ ಮಲ್ತ್‌ದ್ ಓಟು ಪ್ರಕ್ರಿಯೆ ಸುರುವಾಪುಂಡು. ಆಂಡ ರಾಮಕುಂಜ ಗ್ರಾಮೊದ ಬೂತ್ ನಂಬ್ರ 6ಟ್ ಮಾದರಿ ಓಟುದ ಪೊರ್ತುಡು 51 ಓಟು ಚಲಾವಣೆ ಮಲ್ತ್‌ದ್ ಟೆಸ್ಟ್ ಮಲ್ದಿತ್ತೆರ್. ಆಂಡ ಅಧಿಕಾರಿಲು ಉ್ಂದೆನ್ ಡಿಲೀಟ್ ಮನ್ಪಂದೆ ಓಟು ಪ್ರಕ್ರಿಯೆ ದುಂಬರಿಪದಿತ್ತೆರ್. ಈ ಬೂತ್‌ಡ್ ಒಟ್ಟು 713 ಓಟುಲು ಚಲಾವಣೆ ಆದಿತ್ತ. ಮೇ 13ತಾನಿ ಓಟು ಲೆಕ್ಕ ಮನ್ಪುನಗ ಅಧಿಕಾರಿಲು ಮಲ್ದಿನ ಈ ಕಿತಾಪತಿ ಬೊಲ್ಪುಗು ಬೈದ್ಂಡ್. ಅಂಚಾದ್ ಈ ಇವಿಎಂದ ಓಟು ಲೆಕ್ಕ ಮನ್ಪಂದೆ ಅಂಚೆನೇ ದೀತೆರ್. ಅಭ್ಯರ್ಥಿ ಗೆಂದಿನೆತ ಅಂತರ 713 ಓಟುಲೆನ ಉಲಯಿ ಇತ್ತ್ಂಡ ಮಾತ್ರ ಈ ಓಟುಲೆನ ಲೆಕ್ಕ ಮನ್ಪುವೆರ್. ಸುಳ್ಯ ಬಿಜೆಪಿ ಅಭ್ಯರ್ಥಿ ಭಾಗೀರಥಿ ಮುರುಳ್ಯ 30 ಸಾರೊರ್ದುಲಾ ಎಚ್ಚಿನ ಅಂತರೊಡು ಗೆಂದಿನೆರ್ದಾವರ ಈ ಇವಿಎಂದ ಓಟು ಲೆಕ್ಕ ಮಲ್ದಿಜ ಪಂದ್ ಅಧಿಕಾರಿಲು ತೆರಿಪಾದೆರ್.