Last updated on May 31st, 2023 at 04:48 pm
ಸ್ಯಾಂಡಲ್‌ವುಡ್ ನಟಿ ರಚಿತಾ ರಾಮ್ ಕುಡ್ಲದ ಕುತ್ತಾರ್ ಕೊರಗಜ್ಜ ಕ್ಷೇತ್ರೊಗು ಭೇಟಿ ಕೊರ್ತೆರ್. ಕೊರಗಜ್ಜಡ ನಟ್ಟೊಂದು ರಚಿತಾ ರಾಮ್ ಪ್ರಾರ್ಥನೆ ಮಲ್ದೆರ್.
‘ಬುಲ್ ಬುಲ್’ ಸಿನಿಮಾದ ಮುಕೇಪ ಚಿತ್ರರಂಗೊಗು ಬತ್ತಿನ ನಟಿ ರಚಿತಾ ರಾಮ್, ಕನ್ನಡೊದ ಟಾಪ್ ನಟೆರ್ನ ಒಟ್ಟುಗ್ ರಂಗ್ ಪೂಜಿದೆರ್. ತೆಲುಗುದ ಸಿನಿಮಾಡ್ಲಾ ಬೇಲೆ ಮಲ್ದೆರ್. ‘ಮ್ಯಾಟ್ನಿ’, ‘ಬ್ಯಾಡ್ ಮ್ಯಾನರ್ಸ್’ ಸಿನಿಮಾ ರಿಲೀಸ್‌ಗ್ ರೆಡಿಯಾದುಪ್ಪುನ ಪೊರ್ತುಡು ನಟಿ ರಚಿತಾ ಕೊರಗಜ್ಜ ಕ್ಷೇತ್ರೊಗು ಬೈದೆರ್.
ಕೊರಗಜ್ಜನ ಎದುರು ನನ ಬರ್ಪಿನ ಪಿಚ್ಚರ್‌ಲಾಯಿನ ಮ್ಯಾಟ್ನಿ,ಬ್ಯಾಡ್ ಮ್ಯಾನರ್ಸ್ ಎಡ್ಡೆಡ್ ಬಲಿಪಡ್ ಪಂದ್ ಕೇನೊಂದು, ರಚಿತಾ ರಾಮ್ ಕೈ ಮುಗಿಯೊಂದೆರ್. ಬೊಕ್ಕ ರಚಿತಾ ಮಾಧ್ಯಮೊಲೆಗ್ ಪ್ರತಿಕ್ರಿಯೆ ಕೊರ್ನ ರಚಿತಾ, ಎನ್ನ ಪಾಸಾಡಿಲು ಮಿತ ಕೊರಗಜ್ಜನ ಕಾರ್ನಿಕೊದ ಬಗ್ಗೆ ಪನೊಂದಿತ್ತೆರ್. ಅಂಚಾದ್ ಎಂಕ್‌ಲಾ ಕೊರಗಜ್ಜಡ ಭಕ್ತಿಡ್ ನಟ್ಟೊನೊಡು ಪಂದ್ ಆಂಡ್. ಈ ಕ್ಷೇತ್ರ ಪ್ರಾಕೃತಿಕವಾದ್ ಮಸ್ತ್ ಪೊರ್ಲು ಉಂಡು. ಎನ್ನ ನನದ ಪಿಚ್ಚರ್‌ಲು ಎಡ್ಡೆಡ್ ಯಶಸ್ಸ್ ತೂವಡ್ ಪಂದ್ ನಟ್ಟೊಂದೆ ಪಂದ್ ಪಂಡೆರ್.