Last updated on May 14th, 2023 at 05:21 pm
ಬಿಜೆಪಿ ಬುರ್ದು ಕಾಂಗ್ರೆಸ್ ಸೇರ್ದಿನ ಮಾಜಿ ಸಿಎಂ ಜಗದೀಶ್ ಶೆಟ್ಟರ್, ಹುಬ್ಬಳ್ಳಿ ಸೆಂಟ್ರಲ್‌ಡ್ ಬಿಜೆಪಿದ ಮಹೇಶ್ ತೆಂಗಿನಕಾಯಿನ ವಿರುದ್ಧ ಮುಪ್ಪತ್ತಯಿನ್ ಸಾರ ವೋಟುದ ಅಂತರೊಡು ಸೋತೆರ್. ಮಾಜಿ ಸ್ಪೀಕರ್ ಕಾಂಗ್ರೆಸ್‌ದ ರಮೇಶ್ ಕುಮಾರ್ ಶ್ರೀನಿವಾಸಪುರಡ್ ಜೆಡಿಎಸ್‌ದ ವೆಂಕಟಶಿವ ರೆಡ್ಡಿನ ವಿರುದ್ಧ ಸೋತೆರ್. ಮುಧೋಳಡ್ ಮಾಜಿ ಡಿಸಿಎಂ ಗೋವಿಂದ ಖಾರಜೋಳ, ಹಿರೇಕೆರೂರುಡು ಬೊಮ್ಮಾಯಿ ಸಚಿವ ಸಂಪುಟದ ಸಚಿವೆರ್ ಬಿ.ಸಿ ಪಾಟೀಲ್ ಸೋತೆರ್. ಕುಡೊಂಜಿ ಸಚಿವೆರ್ ವಿ ಸೋಮಣ್ಣ ವರುಣ ಬೊಕ್ಕ ಚಾಮರಾಜನಗರ ರಡ್ಡ್ ಕ್ಷೇತ್ರಡ್ಲಾ ಸೋತೆರ್. ಬಿಜೆಪಿದ ರಾಷ್ಟೀಯ ಪ್ರಧಾನ ಕಾರ್ಯದರ್ಶಿ ಸಿ ಟಿ ರವಿ ಕಾಂಗ್ರೆಸ್‌ದ ಎದುರು ಪದ್‌ನೈನ್ ಸಾರ ವೋಟುಡು ಸೋತೆರ್. ಕಾನೊಲು ಮಂತ್ರಿಲಾಯಿನ ಮಾಧುಸ್ವಾಮಿ, ಸಚಿವೆರಾಯಿನ ಶ್ರೀರಾಮುಲು, ಡಾ ಕೆ ಸುಧಾಕರ್, ನಾರಾಯಣ ಗೌಡ, ಮುರುಗೇಶ್ ನಿರಾಣಿ, ಮಹೇಶ್ ಕುಮುಟಳ್ಳಿ, ಸ್ಪೀಕರ್ ವಿಶ್‌ವೇಶ್ವರ ಹೆಗ್ಡೆ ಕಾಗೇರಿ ಅಧಿಕಾರೊಡಿತ್ತಿನ ಪಕ್ಷಡ್ ಇತ್‌ದ್ ಸೋತಿನ ಮಲ್ಲ ಪುದರ್ಲು.