Last updated on May 30th, 2023 at 11:27 am
ಒಡಿಪು : 20 ವರ್ಸ ಬಂಙ ಬತ್ತ್ ಕಲ್ತ್ ದ್ ಬೇಲೆ ತಿಕ್ಕುನ ಪೊರ್ತು ಬೇಲೆ ತಿಕ್ಕಿಜಿ ಪನ್ದ್ ಬೆಸರ್‌ಡ್ ಪೊಣ್ಣು ಒರ್ತಿ ಜೀವ ದೆತ್ತೊನಿನ ನಡಕೆ ಒಡಿಪುಡು ನಡದ್ಂಡ್. ಇಂಚ ದುರಂತ ಆಯಿನ ಪೊಣ್ಣನ ಪುದರ್ ಗೌತಮಿ ಪನ್ದ್. ಗೌತಮಿ ಒಡಿಪು ಜಿಲ್ಲೆದ ಬೈಂದೂರುದ ಕಾಲ್ತೋಡು ಗ್ರಾಮದಾಲ್ ಪನ್ದ್ ತೆರಿದ್ ಬೈದ್ಂಡ್. ಮೇರ್ ಎಂಜಿಎಂ ಕಾಲೇಜಿಡ್ ಎಡ್ಡೆ ಮಾರ್ಕ್‌ಡ್ ಎಂ.ಕಾಂ ಮಲ್ತ್ ಬೇಲೆ ನಾಡೊಂದಿತ್ತೆರ್. ಮಸ್ತ್ ಕಡೆಕ್ ಅರ್ಜಿಲಾ ಪಾಡ್ದಿತ್ತೆರ್. ಬ್ಯಾಂಕಿಂಗ್ ಪರೀಕ್ಷೆಲಾ ಬರೆದಿತ್ತೆರ್ ಆಂಡ ಒಲ್ಪಲಾ ಬೇಲೆ ತಿಕ್ಕಂದಿನ ತೂದು ಖಿನ್ನತೆ ಅದ್ ಸೈಪಿನ ಓಲೆ ಬರೆದ್ ಜೀವ ದೆತ್ತೊಂಡೆರ್ ಪನ್ದ್ ತೆರಿದ್ ಬೈದ್ಂಡ್.