Last updated on May 26th, 2023 at 10:18 am
ಚಿಕ್ಕಬಳ್ಳಾಪುರ: ದುಷ್ಕರ್ಮಿಲು ದೇಲಂತಡೆದ ಗರ್ಭಗುಡಿಕ್ ನೆತ್ತೆರ್, ಮಾಸ ದಕ್ಕ್‌ದ್ ದುಷ್ಕೃತ್ಯ ಮಲ್ದಿನ ನಡಕೆ ಚಿಕ್ಕಬಳ್ಳಾಪುರೊದ ಶಿಡ್ಲಘಟ್ಟ ತಾಲೂಕ್‌ದ ಮಳಮಾಚನಹಳ್ಳಿ ಗ್ರಾಮೊದ ಬ್ಯಾಟರಾಯಸ್ವಾಮಿ ದೇಲಂತಡೆಡ್ ನಡತ್‌ದ್ಂಡ್. ಗರ್ಭಗುಡಿತ ಕಂಡಿರ್ದ್ ದುಷ್ಕರ್ಮಿಲು ನೆತ್ತೆರ್, ಮಾಸ ಮೈತ್‌ದೆದ್. ಈ ನಡಕೆದ ಬಗ್ಗೆ ತೆರಿಲೆಕನೆ ಭಕ್ತೆರ್ ಆಕ್ರೋಶ ತೋಜಾದೆರ್.
ಜಾಗೆಗ್ ಶಿಡ್ಲಘಟ್ಟ ಗ್ರಾಮಾಂತರ ಪೊಲೀಸೆರ್ ಭೇಟಿ ಬತ್ತ್‌ದ್ ಪರಿಶೀಲನೆ ಮಲ್ದೆರ್. ಇತ್ತೆ ದೇಬೆರೆ ಗರ್ಭಗುಡಿಟ್ ತಿಕ್ಕಿದಿನ ನೆತ್ತೆರ್ ಬೊಕ್ಕ ಮಾಸ ಪ್ರಾಣಿಲೆನವ್ವ ಅತ್ತ್ ನರಮಾನ್ಯನವ್ವಾ ಪನ್ಪಿನ ಬಗ್ಗೆ ಜಡ್ತೆ ಆವೊಂದುಂಡು. ದೇವೆರೆ ಅಂಗಾರ್ ಮುಟ್ಟಲಾ ನೆತ್ತೆರ್‌ದ ಕೋಡಿ ಎತ್ತ್‌ದ್ಂಡ್. ಗ್ರಾಮಸ್ಥೆರ್ ಇತ್ತೆನೇ ಇಂಚ ಮಲ್ತಿನಕಲೆನ್ ನಾಡ್‌ದ್, ಶಿಕ್ಷೆ ಕೊರೊಡೂಂದು ಒತ್ತಾಯ ಮಲ್ತೊಂದುಲ್ಲೆರ್.