Last updated on May 2nd, 2023 at 01:02 pm
ಪ್ರಧಾನಮಂತ್ರಿ ನರೇಂದ್ರ ಮೋದಿ ತುಳುನಾಡ್‌ಗ್ ಎಲ್ಲೆ ಬತ್ತ್ ತುಳುನಾಡ್‌ದ ನಡು ಜಾಗೆ ಮುಲ್ಕಿದ ಕೊಲ್ನಾಡ್‌ಡ್ ಸಮಾವೇಶ ಮಲ್ಪರೆ ಉಲ್ಲೆರ್. ಈ ದಿಸೆಟ್ ಬಸ್ಸ್ ಗಾಡಿಲೆನ ಪೂರಾ ರೂಟ್ ಬದಲ್ಪುವೆರ್. ಒಡಿಪುರ್ದ್ ಕುಡ್ಲಗ್ ಬರ್ಪಿನ ಗಾಡಿಲು ಮಾತಾ ಮುಲ್ಕಿ ವಿಜಯ ಸನ್ನಿಧಿದಲ್ಪ ದತ್ತ ಮರ್ಗಿಲ್ ಪೋದು ಕಿನ್ನಿಗೋಳಿ ಕಟೀಲ್ ಬಜ್ಪೆ ಕಾವೂರು ರೂಟುಡು ಪೋವೊಡು. ಕುಡ್ಲರ್ದ್ ಒಡಿಪುಗು ಪೋಪಿನ ಗಾಡಿಲು ಪೂರಾ ಕೆಪಿಟಿದಲ್ಪ ಬಲ ಮರ್ಗಿಲ್ ಪೋದು ಬೊಂದೇಲ್ ಕಾವೂರು ಬಜ್ಪೆ ಕಟೀಲ್ ಕಿನ್ನಿಗೋಳಿ ಮುಲ್ಕಿಗಾದ್ ಪೋವೊಡು. ಇಜಿಂಡ ಕೂಳೂರುದಲ್ಪ ತೆಲಾದ್ ಕಾವೂರು ಬಜ್ಪೆ ಕಟೀಲ್ ಕಿನ್ನಿಗೋಳಿ ರೂಟುಡು ಪೋವೊಡು.ಸುರತ್ಕಲ್‌ರ್ದ್ ಒಡಿಪು ಪೋಪಿನ ಗಾಡಿಲು ಹಳೆಯಂಗಡಿದಲ್ಪೊರ್ದು ಪಕ್ಷಿಕೆರೆ ಎಸ್ ಕೋಡಿ ಮುಲ್ಕಿ ರೂಟುಡು ಪೋವೊಡು.
ಹಳೆಯಂಗಡಿರ್ದ್ ಮುಲ್ಕಿ ವಿಜಯ ಸನ್ನಿಧಿ ಮುಟ್ಟ ಕಾಂಡೆ 7ರ್ದ್ ಮಧ್ಯಾಹ್ನ 2 ಮುಟ್ಟ ರಾಷ್ಟ್ರೀಯ ಪೆರ್ಸಾದಿ 66ಟ್ಟ್ ಒವ್ವೇ ಗಾಡಿದ ಸಂಚಾರ ಇಜ್ಜಿ. ಮುಲ್ಕಿ ತಾಲೂಕುದ ಕಾರ್ನಾಡ್ ಬೈಪಾಸ್, ಕಾರ್ನಾಡ್ ಜಂಕ್ಷನ್, ರೈಲ್ವೇ ಸ್ಟೇಷನ್ ಕ್ರಾಸ್, ಎಸ್ ಕೋಡಿ ಕ್ರಾಸ್‌ದಲ್ಪ ಬ್ಯಾರಿಕೇಡ್ ಉಪ್ಪುಂಡು.