Last updated on May 4th, 2023 at 06:30 pm
ಕುಡ್ಲ: ಒಂಜಿ ಕೋಟಿ ರೂಪಾಯಿ ಕಡ ಕೊರ್ಪ ಪಂಡ್‌ದ್ 10.14 ಲಕ್ಷ ರೂಪಾಯಿ ಗೆತೊಂದು, ಪತ್ತದಿನ ಬಗ್ಗೆ ಪೇಂಟೆದ ಸೆನ್‌ ಸ್ಟೇಷನ್‌ಡ್ ಪ್ರಕರಣ ದಾಕಲಾತ್ಂಡ್.
ಒಯಿಲ್ ಕೊರ್ತಿನಾರ್ ಸ್ವಂತ ವೈವಾಟ್ ಸುರು ಮನ್ಪೆರೆ ಬೋಡಾದ್ ಗೂಗಲ್‌‌ಡ್ ಕಡತ ಬಗ್ಗೆ ನಾಡ್‌ದಿತ್ತೆರ್. ಬೊಕ್ಕ ಆರೆಗೊಂಜಿ ಗುರ್ತದಾಂತಿನ ಜನ ಕಾಲ್ ಮಲ್ತ್‌ದ್ ತಾನ್ ಕ್ರಾಂತಿ ಫೈನಾನ್ಸ್‌ ಪನ್ಪಿ ಕಂಪೆನಿರ್ದ್ ಕಾಲ್ ಮನ್ತೊಂದುಲ್ಲೆ ಪಂದ್ ಪಂಡೊಂದೆ. ಸ್ವಂತ ವೈವಾಟ್ ಮನ್ಪೆರೆ ಒಂಜಿ ಕೋಟಿ ರೂ. ಕಡ ಕೊರ್ಪ ಪೀದ್ ನಂಬಾದ್ ಆಯನ ಕಂಪೆನಿದ ಕೆಲವ ದಾಖಲೆಲೆನ್ ಕಡಪುಡ್ದ್ ಕೊರ್ದಿತ್ತೆ. ಬೊಕ್ಕ ಕಡ ಕೊರ್ಯೆರ ಪ್ರೊಸೆಸಿಂಗ್‌ ಫೀಸ್ ಕಟ್ಟೆರೆ ಪಂತೆ. ಸುರುಕು 12,500 ರೂ. ಕಟ್ಟೆರ ಪಂದಿತ್ತೆ. ಆಯನ ಪಾತೆರೊದಂಚ ಒಯಿಲ್ ಕೊರ್ತಿನಾರ್ ಕೇಂಡಿ ಕಾಸ್ ಕಟ್ಟ್‌ದೆರ್.
ಕುಡಲಾ ಕಾಸ್ ಕಟ್ಟೊಡು ಪಂದ್ ಅಪರಿಚಿತ ವ್ಯಕ್ತಿ ಪನೊಂದು ಒಂತೆ ಒಂತೆನೇ 2022ರ ಡಿಸೆಂಬರ್ 29ರಿಂದ ಜನವರಿ 19 ಮುಟ್ಟ ಒಟ್ಟು 10,14,106 ರೂ. ಕಡಪುಡೊಂದೆ. ಆಂಡ ಒವ್ವೇ ಕಾಸ್ ಪಿರ ಕೊರಂದೆ ಪತ್ತಾದೆ.