ಪುತ್ತೂರು ಡು ಉಂಡಾಂಡ್ ಪೊಂಜೊವುಲೆನ ತುಳು ಕೂಟ- ‘ತುಳು ಅಪ್ಪೆ ಕೂಟ’

Last updated on May 28th, 2023 at 01:52 pm

ಪುತ್ತೂರು: ಅಖಿಲಭಾರತ ತುಳು ಒಕ್ಕೂಟೊದ ಮುತಾಲಿಕೆಡ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ದುಂಬುದ ಗುರ್ಕಾರ್ಲು ಅಂಚೆನೇ ಅಖಿಲಭಾರತ ತುಳು ಒಕ್ಕೂಟೊದ ಗುರ್ಕಾರೆ ಎ.ಸಿ.ಭಂಡಾರ್ಲೆನ ಮಾರ್ಗದರ್ಶನೊಡು ಪುತ್ತೂರ್‌ಡ್ ಪೊಂಜೊವುಲೆನ ತುಳುಕೂಟ ‘ತುಳು ಅಪ್ಪೆ ಕೂಟ’ದ ಸಮಿತಿ ರಚನಾ ಸಭೆ ವಕೀಲೆದಿ ಹರಿಣಾಕ್ಷಿ ಜೆ. ಶೆಟ್ಟಿ ಮೆರೆನ ಕಛೇರಿಡ್ ನಡತ್ಂಡ್.

ತುಳು ಅಪ್ಪೆ ಕೂಟೊದ ಮಾನಾದಿಗೆದ ಗುರ್ಕಾರ್ದಿಯಾದ್ ಪ್ರೇಮಲತಾ ರಾವ್, ಗುರ್ಕಾರ್ದಿಯಾದ್ ವಕೀಲೆದಿ ಹರಿಣಾಕ್ಷಿ ಜೆ. ಶೆಟ್ಟಿ, ಒತ್ತುಗುರ್ಕಾರ್ದಿಯಾದ್ ಮಲ್ಲಿಕಾ ಜೆ ರೈ, ಪ್ರಧಾನ ಕಾರ್ಯಂತೆರಾದ್ ವಿದ್ಯಾಶ್ರೀ ಎಸ್, ಪಣವುದ ಪಾಲವೆರಾದ್ ಭಾರತಿ ವಸಂತ್, ಒತ್ತು ಕಾರ್ಯಂತೆರಾದ್ ಮಲ್ಲಿಕಾ ಗೌಡ ಅರಿಯಡ್ಕ, ಹರ್ಷಿತಾ ರೈ ಕುತ್ಯಾಡಿ ಮೊಕಲೆನ್ ಅಜತ್ಂಡ್. ಗೌರವ ಸಲಹೆಗಾರೆರಾದ್ ವಸಂತಲಕ್ಷ್ಮೀ ಪುತ್ತೂರು, ಕವಿತಾ ಅಡೂರು, ವೀಣಾ ತಂತ್ರಿ, ಸವಿತಾ ಎ. ರೈ ಮದಕ, ಸಂಘಟನಾ ಗುರ್ಕಾರ್ದಿಯಾದ್ ಶಾಂತ ಕುಂಟಿನಿ, ಸಂಘಟನಾ ಕಾರ್ಯಂತೆರಾದ್ ಸ್ಮಿತಾ ಹಣಿಯೂರು, ಅಶ್ವಿನಿ ಗೌಡ, ಸಾಂಸ್ಕೃತಿಕ ಕಾರ್ಯದರ್ಶಿ ಡಾ. ಶೋಭಿತಾ ಸತೀಶ್, ಆಂತರಿಕ ಲೆಕ್ಕ ಪರಿಶೋಧಕಿಯಾದ್ ಶಾರದಾ ಕೇಶವ ನಾಯ್ಕ ಅಂಚೆನೇ ಪದುಕೆರಾದ್ ವಿಜಯಭಾರತಿ ಅರಿಯಡ್ಕ, ಪುಷ್ಪಾವತಿ ರೈ ಅರೆಪ್ಪಾಡಿ, ಶ್ರುತಿ ರೈ, ಗೀತಾ ಗಂಗಾಧರ ಆಚಾರ್ಯ, ರಂಜಿನಿ ಶೆಟ್ಟಿ, ಸುಮನಾ ಬಲ್ಲಾಳ್, ಶಕುಂತಳ, ಲತಾ ರೈ, ಸುಪ್ರೀತಾ ರೈ, ರಕ್ಷಾ ಕುಲಾಲ್ ಅಜತ್ ಬತ್ತೆರ್. ಸಮಿತಿ ಉಂಡು ಮನ್ಪಿನ ಕಜ್ಜೊಗು ಚುನಾವಣಾಧಿಕಾರಿ, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ದುಂಬುದ ಪದುಕೆರ್ ಪ್ರೇಮಲತಾ ರಾವ್ ಸಹಕರಿತೆರ್. ತುಳು ಲಿಪಿ ಕಲ್ಪಾದಿ, ತುಳು ಸಾಹಿತ್ಯ ಅಕಾಡೆಮಿದ ದುಂಬುದ ಪದುಕೆರಾಯಿನ ವಿದ್ಯಾಶ್ರೀ ಎಸ್. ಸಮಿತಿ ರಚನಾ ಸಭಾ ಪ್ರಕ್ರಿಯೆನ್ ತೂವೊಂಡೆರ್. ಹರಿಣಾಕ್ಷಿ ಜೆ. ಶೆಟ್ಟಿ ಎದುಕೊಂಡೆರ್.