Last updated on May 10th, 2023 at 03:13 pm
ವಿಜಯಪುರ: ಚುನಾವಣೆ ದಿನೊತಾನಿಯೇ ವಿಜಯಪುರ ಜಿಲ್ಲೆಡ್ ಮಾಮಲ್ಲ ಹೈಡ್ರಾಮನೇ ನಡತ್‌ದ್ಂಡ್. ಲೆಕ್ಕೊರ್ದು ಎಚ್ಚ ಇತ್ತಿನ ಮತಯಂತ್ರೊನು ಕೊಂಡೊವೊಂದುಪ್ಪುನಗ ಅಧಿಕಾರಿಲೆನ್ ಉಂತಾದ್ ಜನೊಕುಲು ಮತಯಂತ್ರೊಲೆನ್ ಪೊಡಿ ಮಲ್ತ್‌ದ್, ಅಧಿಕಾರಿಲೆಗ್ಲಾ ಪೆಟ್ಟ್ ಪಾಡ್ದೆರ್.
ವಿಜಯಪುರ ಜಿಲ್ಲೆ ಬಸವನ ಬಾಗೇವಾಡಿ ತಾಲೂಕ್‌ದ ಮಸಬಿನಾಳ ಗ್ರಾಮೊಡು ಈ ನಡಕೆ ನಡತ್‌ದ್ಂಡ್.
ಮತದಾನ ಪ್ರಕ್ರಿಯೆನ್ ಅರ್ಧೊಡೇ ಉಂತಾದ್ ಮತಯಂತ್ರೊನು ಕೊಂಡೊವೊಂದುಲ್ಲೆರ್ ಪಂದ್ ಎನ್ನ್‌ದ್ ಪೆಟ್ಟ್ ಪಾಡ್ದೆರ್ ಪಂದ್ ಪನೊಂದುಲ್ಲೆರ್.
ಮಸಬಿನಾಳ ಗ್ರಾಮೊಡು ಚುನಾವಣಾ ಅಧಿಕಾರಿಲು ಮತಯಂತ್ರೊಲೆನ್ ಅರ್ಧೊಡೇ ಪತೊಂದು ಪೋಪಿನೆನ್ ತೂದು ಗ್ರಾಮಸ್ಥೆರ್ ಚುನಾವಣಾ ಅಧಿಕಾರಿಲೆನ್ ಪ್ರಶ್ನೆ ಮಲ್ದೆರ್.
ಆಂಡ, ಚುನಾವಣಾ ಅಧಿಕಾರಿಲು ಸಮ ಒಲವು ಕೊರ್ತುಜೆರ್ ಪಂದ್ ಪನೊಂದುಲ್ಲೆರ್. ಲೆಕ್ಕೊರ್ದು ಎಚ್ಚ ಇತ್ತಿನ ಯಂತ್ರೊಲು ಪಂದ್ ಪಂಡ್ಂಡಲಾ ಅವೆನ್ ಕೇನಂದೆ ಈ ಮಾತಾ ಮತಯಂತ್ರೊಲೆನ್ ಅರ್ಧೊಡೇ ಪತೊಂದು ಪೋವೊಂದುಲ್ಲೆರ್ ಪಂದ್ ಎನ್ನ್‌ದ್ ಗಲಾಟೆ ಸುರುಮಲ್ದೆರ್. ವಾದ ಮಲ್ತ್‌ದ್ ಅಧಿಕಾರಿಲೆಗ್ ಆಕ್‌ದ್ ಮತಯಂತ್ರೊಲೆನ್ ಒಯ್ತೊಂದು, ಗ್ರಾಮಸ್ಥೆರ್ ಸೇರ್ದ್, ಮತಯಂತ್ರೊಲೆನ್ ಪುಡತ್ ಪಾಡ್ದೆರ್.
ಚುನಾವಣಾ ಅಧಿಕಾರಿಲು ಇವಿಎಂ ಮೆಷೀನ್‌‌ನ್ ಕಾರ್‌ಡ್ ದೀವೊಂದು ತಿರ್ಗುನೆನ್ ತೂದು, ಸಿಬ್ಬಂದಿಲೆನ ಬಗ್ಗೆ ಕಲು ಎನ್ನ್‌ದ್ ಇವಿಎಂ, ವಿವಿಪ್ಯಾಟ್ ಮೆಷೀನ್‌ಲೆನ್ ಪೊಡಿ ಮಲ್ತ್ ಪಾಡ್ದೆರ್. ಜಾಗೆಡ್ ಆತಂಕೊದ ವಾತಾವರಣ ಉಂಡಾದಿತ್ತ್ಂಡ್.