Last updated on May 21st, 2023 at 10:08 am
ಉಳ್ಳಾಲ: ರೈಲ್ ಎಡ್ತ್‌ದ್ ಒರಿ ತೀರ್ದಿನ ನಡಕೆ ತೊಕ್ಕೊಟ್ಟು ಓಳಪೇಂಟೆದಲ್ಪ ಕೋಡೆ ರಾತ್ರೆ ನಡತ್‌ದ್ಂಡ್.
ಬಿಹಾರ ಮೂಲೊದ ಶ್ರವಣ್ ದಾಸ್ (38) ಪನ್ಪಿನಾರ್ ಸೈದಿನ ಜನ ಪಂದ್ ತೆರಿದ್‌ಬೈದ್ಂಡ್.
ಶ್ರವಣ್ ದಾಸ್ ಬಿಹಾರದಾರಾದಿತ್ತ್‌ದ್, ತೊಕ್ಕೊಟ್ಟುಡ್ ಬಾಡಾಯಿದ ಇಲ್ಲಡ್ ಇತ್ತೆರ್. ಕೋಡೆ ಬೇಲೆ ಮುಗಿತ್‌ದ್ ಇಲ್ಲಗ್ ಬತ್ತ್‌ದ್ ವನಸ್‌ಗ್ ಕಜಿಪು ದಾಲ ಕನಪೆ ಪಂದ್ ಹೊಟೇಲ್‌ಗ್ ಪೋದಿತ್ತೆರ್. ಪಿರ ಬನ್ನಗ ರೈಲ್ ಪಟ್ಟಿ ಕಡಪುನಗ ರೈಲ್ ಎಡ್ತ್‌ದ್ಂಡ್. ರೈಲ್ ಎಡ್ತಿ ಪೆಟ್ಟ್‌ಗ್ ಗಾತಿದ ಪೆಟ್ಟಾದ್ ಆರ್ ಅಲ್ಪನೇ ತೀರ್ದೆರ್ ಪಂದ್ ಪೋಲೀಸೆರ್ ತೆರಿಪಾದೆರ್.
ರೈಲ್ವೆ ಪೊಲೀಸೆರ್ ಜಾಗೆಗ್ ಬತ್ತ್‌ದ್ ಪರಿಶೀಲನೆ ಮಲ್ದೆರ್. ಮೆರೆನ ಬೊಡೆದಿ ಜೋಕುಲು ಬಿಹಾರಡ್ ಇತ್ತ್‌ದ್, ಶ್ರವಣ್ ದಾಸ್ ಬಾಡಾಯಿದಿಲ್ಲಡ್ ಒರಿಯೇ ಇತ್ತೆರ್ ಪಂದ್ ತೆರಿದ್‌ಬೈದ್ಂಡ್.
ಪುಣೊನು ಆಸ್ಪತ್ರೆಗ್ ಕಡಪುಡ್ದ್, ಬಾಕಿದ ಕ್ರಮೊನು ಪೊಲೀಸೆರ್ ಮಲ್ದೆರ್.