Last updated on May 15th, 2023 at 05:17 pm
ನೂತ್ತ ಮುಪ್ಪತೈನ್ ಸೀಟ್ ಗೆಂದ್‌ದ್ ಅಧಿಕಾರೊಗು ಬತ್ತಿನ ಕಾಂಗ್ರೆಸ್ ಪಕ್ಷ ಇತ್ತೆ ಸಿಎಂನ್ ಅಜಪುನ ಬೇಲೆಡ್ ಉಂಡು. ಒಂಜಿ ಕಡೆಟ್ಟ್ ಮಾಜಿ ಸಿಎಂ ಸಿದ್ದರಾಮಯ್ಯ ಬೊಕ್ಕ ಕುಡೊಂಜಿ ಕಡೆಟ್ಟ್ ಡಿ ಕೆ ಶಿವಕುಮಾರ್ ಸಿಎಂ ರೇಸ್‌ಡ್ ಉಲ್ಲೆರ್. ಕೋಡೆ ಖಾಸಗಿ ಹೋಟೆಲ್‌ಡ್ ನಡತಿನ ಸಭೆಟ್ಟ್ ಶಾಸಕೆರ್ನ ಪಾತೆರ ಕೇನ್ನಗ ಕಾಂಗ್ರೆಸ್‌ದ ಪೆರಿಯ ನಾಯಕೆ ಹೆಚ್ ಕೆ ಪಾಟೀಲ್ ಲಕ್‌ದುಂತುದು ಇಂಚ ಕೇಂಡ ಲಡಾಯಿ ಆಪುಂಡು ಅವೆರ್ದ್ ಹೈ ಕಮಾಂಡ್ ಪನ್ಪುನಕ್ಲೆನ್ ಸಿಎಂ ಮಲ್ಪುಲೆ ಪಂದ್ ಪಂಡೆರ್. ಐಕ್ಕ್ ಉತ್ತರ ಕೊರಿನ ಮಾಜಿ ಸಿಎಂ ಸಿದ್ದರಾಮಯ್ಯ ಶಾಸಕೆರ್ಡ ವೋಟ್ ಪಾಡಾದ್ ಸಿಎಂನ್ ಅಜಪುಗ ಪಂದ್ ಪಂಡೆರ್. ಇನಿ ಪೊಸ ಸಿಎಂನ ಪುದರ್ ಪಿದಯಿ ಬೂರುನ ಸಾಧ್ಯತೆ ಉಂಡು ಪಂದ್ ಕಾಂಗ್ರೆಸ್ ಮೂಲರ್ದ್ ಸುದ್ದಿ ಬೈದ್ಂಡ್.