Last updated on June 8th, 2023 at 09:04 am
ಪಿಲಿಕುಲ ಜೀವಸಂಕುಲೊಟು ಇತ್ತಿನ 15 ವರ್ಸದ ಪೊಣ್ಣು ಪಿಲಿ ನೇತ್ರಾವತಿ ಬುದಾರ ಕಾಂಡೆ 9:45ಗ್ ತೀರಿಯೊಲು. 6 ವರ್ಸದ ಆನ್ ಪಿಲಿ ರೇವಾ ಬೊಕ್ಕ ನೇತ್ರಾವತಿಗ್ ಲಡಯಿ ಆದ್, ನೇತ್ರಾವತಿಗ್ ಪೆಟ್ಟ್ ಆದಿತ್ತ್ಂಡ್. ನೇತ್ರಾವತಿ ಬೊಕ್ಕ ರೇವಾ ಇರ್ವೆರ್ಲಾ ಪಿಲಿಕುಲೊಟೇ ಪುಟ್ಟಿನಕುಲು, ರೇವಾ ಹೀಟ್‌ಗ್ ಬತ್ತ್ ನೇತ್ರಾವತಿನ್ ಮುಟ್ಟರೆ ಪೋನಗ ನೇತ್ರಾವತಿ ಬುಡ್ಜೊಲು ಅಂಚೆನೆ ರಡ್ಡ್ ಪೆಟ್ಟ್ ಪಾಡಿಯೊಲು, ಉಂದೆರ್ದಾವರ ಅಕಲೊನ ನಡುಟು ಮಲ್ಲ ಲಡಯಿ ಆಂಡ್. ನೇತ್ರಾವತಿಗ್ ಈ ಲಡಯಿಡ್ ಪೆಟ್ಟಾಂಡ್. ಅಲ್ಪ ಇತ್ತಿನ ಸ್ಟಾಫ್ ನಕುಲು ಮೊಕಲೆನ ಪೆಟ್ಟ್ ಬುಡ್ಪಾವರೆ ತೂಯೆರ್. ನೇತ್ರಾವತಿನ ಪೆಟ್ಟ್ ಗ್ ಮರ್ದ್ ಪಾಡ್ದ್, ಆಲ್ ಗುನ ಆವೊಂದಿತ್ತೊಲು. ನೀರ್ ಬೊಕ್ಕ ವನಸ್ ಮಲ್ತೊಂದಿತ್ತೊಲುಗೆ. ಆಂಡ ಒರಾನೆ ತೀರಿಯೊಲು, ನೇತ್ರಾವತಿಗ್ ಹಾರ್ಟ್ ಅಟ್ಯಾಕ್ ಆಂಡ್ ಪನ್ಪಿನ ಸಂಶಯ ಉಂಡು. ರೇವಾಗ್ಲಾ ಎಲ್ಯ ಮಟ್ಟ್‌ದ ಪೆಟ್ಟ್ ಆತ್ಂಡ್ ಆಂಡ ಆಯೆ ಗುನ ಆತೆ.