Last updated on June 15th, 2023 at 08:24 am
ಅಂಗಾರೆದಾನಿ ಬಿಹಾರೊದ ಸರನ್ ಜಿಲ್ಲೆದ ಛಾಪ್ರಾಡ್ ಪೊಂಜೊವೊರ್ತಿ ನಾಲ್ ಕೈ ಬೊಕ್ಕ ನಾಲ್ ಕಾರ್ ಇತ್ತಿನ ವಿಶಿಷ್ಟ ಪೊಣ್ಣು ಬಾಲೆನ್ ಪೆದ್ದ್ದೆರ್. ಬಾಲೆದ ತರೆತ ಆಕಾರೊಲಾ ಲೆಕ್ಕೊರ್ದ್ ಮಲ್ಲೆ ಇತ್ತ್ಂಡ್. ಈ ಅಪೂರ್ವ ದೃಶ್ಯೊನು ತೂವರೆ ನರ್ಸಿಂಗ್ ಹೋಮ್‌ಡ್ ಮಸ್ತ್ ಜನ ಸೇರ್ದಿತ್ತೆರ್‌ ಬಾಲೆನ್ ತೂದು ಕೆಲವೆರ್ ಉ್ಂದು ದೇಬೆರೆನ ಅಬತಾರ ಪಂಡೆರ್ನ್ಡ ಕೆಲ ಜನ ಉ್ಂದು ಜೈವಿಕ ಅಸಂಗತತೆ ಪಂದ್ ಪಂಡೆರ್. ಇಂಡ ದುರದೃಷ್ಟವಶಾತ್, ಈ ಪೊಣ್ಣು ಬಾಲೆ ಪುಟ್ಟುದ್ 20 ನಿಮಿಷಡೇ ತೀರ್ದ್ಂಡ್.
ಛಾಪ್ರಾದ ಶ್ಯಾಮಚಕ್‌ಡುಪ್ಪುನ ಸಂಜೀವನಿ ನರ್ಸಿಂಗ್ ಹೋಂಡ್ ಪ್ರಸೂತಾ ಪ್ರಿಯಾ ದೇವಿ ಪನ್ಪಿನಾರ್ ಈ ಪೊಣ್ಣು ಬಾಲೆನ್ ಪೆದ್ದ್ದೆರ್. ಬಾಲೆನ್ ತೂದು ಒರ ಬೈದ್ಯೆರೆಗ್ಲಾ ಸೋದ್ಯ ಆತ್ಂಡ್.
ಬೈದ್ಯೆರ್ನ ಪ್ರಕಾರ, ಇಂಚಿನ ನಡಕೆಲು ಬಾರಿ ಅಪರೂಪ. ಗರ್ಭಾಶಯದುಲಯಿ ಒಂಜೇ ಕೆತ್ತಿಡ್ ರಡ್ಡ್ ಪುರುಕುಲು ಬುಲೆನಗ ಇಂಚ ಆಪುಂಡು. ಕೆಲವು ಕಾರಣೊಲೇರ್ದಾವರ ಅಮರ್‌ಲೆನ ಪಾರ್ಟೀಷನ್ ಕಡೆಸ್ಸ್ಂಡ ಇಂಚಿನ ಜೋಕುಲು ಪುಟ್ಟುವೆರ್. ಇಂಚಿನ ಜೋಕುಲು ಪುಟ್ಟುನ ಪೊರ್ತುಡು ಅಪ್ಪೆ ಮಸ್ತ್ ಬೇನೆ ತಿನೊಡಾಪುಂಡು. ಈ ಪ್ರಕರಣೊಡು ಸಿಸೇರಿಯನ್ ಮಲ್ತ್‌ದ್ ಬಾಲೆನ್ ಪಿದಯಿ ಕನವೊಡಾದ್ ಬತ್ತ್ಂಡ್. ಆಂಡಲಾ ದುರದೃಷ್ಟವಶಾತ್ ಪುಟ್ಟಿನ 20 ನಿಮಿಷೊಡೇ ಬಾಲೆ ತೀರ್ದ್ಂಡ್.