Last updated on August 15th, 2023 at 06:44 pm
ಕರ್ನಾಟಕಡ್ ನಡತಿನ ವಿಧಾನಸಭಾ ವೋಟುದ ಪೊರ್ತುಡು ಕೆಲವೆರ್ ಪರಿಷತ್‌ಗ್ ರಾಜೀನಾಮೆ ಕೊರ್ದು ವೋಟುಗು ಉಂತುದಿತ್ತೆರ್. ಇತ್ತೆ ಕಾಲಿ ಆತಿನ ಆ ಜಾಗೊಲೆಗ್ ಕುಡೊರ ಚುನಾವಣೆ ನಡಪರೆಗುಂಡು, ಕಾಂಗ್ರೆಸ್ ತನ್ನ ಪಟ್ಟಿನ್ ಇನಿ ಬುಡುಗಡೆ ಮಲ್ತ್ಂಡ್ ಅವೆಟ್ಟ್ ಬಿಜೆಪಿ ಬುರ್ದು ಕಾಂಗ್ರೆಸ್ ಸೇರ್ದ್ ವೋಟುಡು ಸೋತಿನ ಮಾಜಿ ಸಿಎಂ ಜಗದೀಶ್ ಶೆಟ್ಟರ್‌ನ ಪುದರ್ಲಾ ಉಂಡು.
ತಿಪ್ಪಣ್ಣಪ್ಪ ಕಮಕನೂರು, ಬೊಕ್ಕ ಸಚಿವೆ ಎನ್.ಎಸ್.ಬೋಸರಾಜುಗ್ಲಾ ಟಿಕೆಟ್ ತಿಕ್ಂಡ್. ಎನ್.ಎಸ್.ಬೋಸರಾಜು ಟಿಕೆಟ್ ತಿಕ್ಕುನವು ಮಾತೆರೆಗ್ಲಾ ಗೊತ್ತಿತ್ತ್ಂಡ್, ಜಗದೀಶ್ ಶೆಟ್ಟರ್‌ಗ್ ಟಿಕೆಟ್ ಕೊರ್ಪೆರ ಇಜ್ಜೆರ ಪನ್ಪುನ ಪಾತೆರೊಲೆಗ್ ಇತ್ತಿನ ಉತ್ತರ ತಿಕ್‌ದ್ಂಡ್.