ಕುಡ್ಲ ಜಿಲ್ಲೆನ್ ಈಯೋಡು ಬರ ಪತ್ತಿನ ಜಿಲ್ಲೆ ಪನ್ದ್ ಘೋಷಣೆ ಮಲ್ಪುಲೆ : ಸರಕಾರೊಗು ರೈತ ಸಂಘದ ಮನವಿ

Last updated on August 15th, 2023 at 06:40 pm

ತುಳುನಾಡ್‌ದ ಕುಡ್ಲ ಜಿಲ್ಲೆನ್ ಈಯೋಡು ಬರ ಬಾದಿನ ಜಿಲ್ಲೆ ಪನ್ದ್ ಘೋಷಣೆ ಮಲ್ತ್ ಹವಾಮಾನಾದಾರಿತ ಪ್ರಧಾನಮಂತ್ರಿ ಫಸಲ್ ಭಿಮಾ ಯೋಜನೆನ್ ದುಂಬರಿಪೊಡು ಪನ್ದ್ ರಾಜ್ಯ ರೈತೆರೆ ಸಂಘ ಸರಕಾರೊಗು ಮನವಿ ಕೊರ್ತೆರ್.

ಕುಡ್ಲ ಜಿಲ್ಲೆಡ್ ಈಯೊಡು ಅರೆಗಲಡ್ ದೊಂಬುದ ಎರಿ 40 ಡಿಗ್ರಿ ಸೆಲ್ಸಿಯಸ್ ‌ದಾತ್ ಎರ್ತೆ ಆತ್ಂಡ್. ಉಂದೆರ್ದ್ ತಾರೆ, ಬಾರೆ, ಕಂಗ್, ಎಡ್ಡೆಮುಂಚಿ ಬುಲೆಕುಲು ನಾಶ ಆತ್ಂಡ್. ಅವ್ವತ್ತಂದೆ ಈಯೊಡು ಪೊರ್ತುಗು ಬರ್ಸಲಾ ಬರಂದೆ ಬೆನ್ನಿದ ಬೇಲೆಲು ಉಂತುದೇ ಪೋತುಂಡು. 60 ಶೇಕಡಾದಾತ್ ಬರ್ಸದ ಕುಂದೆಲ್ ಆತ್ಂಡ್ ಪನ್ದ್ ಹವಾಮಾನ ಇಲಾಖೆಲಾ ಪನ್ತ್ಂಡ್. ಇಂಚಾದ್ ಕುಡ್ಲ ಜಿಲ್ಲೆನ್ ಬರ ಪತ್ತಿನ ಜಿಲ್ಲೆ ಪನ್ದ್ ಘೋಷಣೆ ಮಲ್ಪೊಡು ಪನ್ದ್ ಕೇನೊಂಡೆರ್. ರಾಜ್ಯ ರೈತ ಸಂಘದ ಪಚ್ಚೆ ಸೇನೆದ ಗುರ್ಕಾರೆ ಶ್ರೀಧರ ಶೆಟ್ಟಿ ಬೈಲಗುತ್ತು, ಪದುಕೆರಾಯಿನ ಶಿವಚಂದ್ರ ಈಶ್ವರಮಂಗಲ, ಕೊರಗಪ್ಪ ನಾಯ್ಕ, ಲೋಕಯ್ಯ ನಾಯ್ಕ, ಪರಮೇಶ್ವರ ನಾಯಕ್ ಅಂಚೆನೆ ಮಧುಸೂದನ ಗೌಡ ಮೊಕುಲು ಮನವಿ ಕೊರ್ನಗ ಒಟ್ಟುಗಿತ್ತೆರ್.