Last updated on June 12th, 2023 at 07:43 am
ಶನಿಯಾರದಾನಿ ಏರ್ ಇಂಡಿಯಾದಕುಲು ಕುಡ್ಲರ್ದ್ ಮುಂಬೈ ಮುಟ್ಟ ರಡ್ಡನೇ ದಿನಾಲ ಫ್ಲೈಟ್ ಸುರು ಮಲ್ತೆರ್. ಇತ್ತೆ ಇಂಡಿಗೋ ಬೊಕ್ಕ ಏರ್ ಇಂಡಿಯಾದ ಗೋಡ್ಯಾಂಡ ಒಟ್ಟು 5 ಫ್ಲೈಟುಲು ದಿನಾಲ ಕುಡ್ಲರ್ದ್ ಮುಂಬೈಗ್ ಪೋವೊಂದು ಬರೊಂದು ಉಪ್ಪುವ.
ಕುಡ್ಲರ್ದ್ ಬೊಂಬಾಯಿಗ್ ಅಂಚೆನೆ ಬೊಂಬಾಯಿರ್ದ್ ಕುಡ್ಲಗ್ ಮಸ್ತೇ ಜನ ಪೋವೊಂದು ಬರೊಂದು ಇಪ್ಪುನೆರ್ದಾವರ, ದಿನಾಲ ಪೋಪಿನ ಬರ್ಪಿನ ಫ್ಲೈಟ್ ಪಾಡ್‌ದ್ ಜನಕುಲೆಗ್ ಮಸ್ತ್ ಅನುಕೂಲ ಆಪುಂಡು. 2022ಡ್ ಸುಮಾರ್ 4.94 ಲಕ್ಷ ಪ್ರಯಾಣಿಕೆರ್ ಕುಡ್ಲ ಬೊಕ್ಕ ಮುಂಬೈದ ನಡುಟು ಪೋದು ಬೈದಿತ್ತೆರ್. ಪ್ರತೀ ತಿಂಗೊಲು ಸುಮಾರ್ 42 ಸಾರ ಜನಕುಲು ಪೋದು ಬತ್ತಿಲೆಕ್ಕ ಆಪುಂಡು. ಆತೇ ಅತ್ತಂದೆ ಕುಡ್ಲ ಬೊಕ್ಕ ಬೆಂಗಳೂರುದ ರೂಟುಲಾ ಎಡ್ಡೆ ಜನದಟ್ಟನೆಡ್ ಉಂಡು. ಸುಮಾರ್ 4.63 ಲಕ್ಷ ಜನಕುಲು ಪೋಯಿ ವರ್ಸ ಕುಡ್ಲ ಬೊಕ್ಕ ಬೆಂಗಳೂರುದ ನಡುಟು ವಿಮಾನೊಡು ಪೋದು ಬೈದೆರ್.