Last updated on June 16th, 2023 at 12:28 pm
ತೊರ್ತಲ್, ಜೂ.16: ತೊರ್ತಲ್‌ದ ಜನತಾ ಕಾಲನಿಡ್ ಒರಿಯಗ್ ಬೀಸತ್ತಿ ಪಾಡ್ದಿನ ನಡಕೆ ಕೋಡೆ ರಾತ್ರೆ ನಡತ್‌ದ್, ಇನಿ ಕಾಂಡೆ ಬೊಲ್ಪುಗ್ ಬೈದ್ಂಡ್.
ಕಾನ ಕಾಲನಿ ನಿವಾಸಿ ಮುಹಮ್ಮದ್ ಶಾಫಿ(35) ಪನ್ಪಿನಾರೆಗ್ ಅವ್ವೇ ಪರಿಸರೊದ ಜವನೆ ತ್ವಾಹಿ (24) ಬೀಸತ್ತಿ ಪಾಡ್ದೆ ಪಂದ್ ತೆರಿದ್‌ಬೈದ್ಂಡ್.
ಗುರುವಾರ ರಾತ್ರೆ ಕಾಲನಿ ಪಲ್ಲಿದಲ್ಪ ರಡ್ಡ್ ಜನೊಕ್ಲಾ ಲೈಟ್ ಆಫ್ ಮನ್ಪಿನ ಇಷಯೊಗು ಪಾತೆರೊಗು ಪಾತೆರ ಬುಲೆಯೊಂದು ಪೆಟ್ಟ್‌ಗುಂತುದೆರ್. ತ್ವಾಹಿ ತನ್ನ ಕಾರ್‌ಡ್ ಇತ್ತಿನ ಬೀಸತ್ತಿಡ್ ಎಂಕ್ ಕುತ್ತುದೆ ಪಂದ್ ಶಾಫಿ ಪೊಲೀಸೆರೆಗ್ ಕೊರ್ತಿನ ಹೇಳಿಕೆಡ್ ತೆರಿಪಾದೆರ್ ಪಂದ್ ತೆರಿದ್‌ಬೈದ್ಂಡ್.
ಶಾಫಿನ ಕೈ ಬೊಕ್ಕ ಬೆರಿಕ್ ಗಾತಿದ ಗಡಿಕುಲಾದ್, ಆರೆನ್ ಕುಡ್ಲದ ಖಾಸಗಿ ಆಸ್ಪತ್ರೆಗ್ ಅಡ್ಮಿಟ್ ಮಲ್ದೆರಂದ್ ತೆರಿದ್‌ಬೈದ್ಂಡ್.
ಈ ಬಗ್ಗೆ ಸುರತ್ಕಲ್ ಪೊಲೀಸ್ ಸ್ಟೇಷನ್‌ಡ್ ಪ್ರಕರಣ ದಾಕಲಾತ್ಂಡ್.