Last updated on June 2nd, 2023 at 10:58 am
ಸುಬ್ರಹ್ಮಣ್ಯ, ಜೂನ್ 02 : ಪುತ್ತೂರ್‌ರ್ದ್ ಬೆಂಗ್ಳೂರ್‌ಗ್ ಪೋವೊಂದಿತ್ತಿನ ಕೆಎಸ್ಆರ್ಟಿಸಿ ಬಸ್‌ಗ್ ಕಾಡಾನೆ ಒಂಜಿ ಜಂತ(ಆನೆದ ದಾಡೆ)ಡ್ ಕುತ್ತ್‌ದ್ ದಾಳಿ ಮಲ್ದಿನ ನಡಕೆ ಸುಬ್ರಹ್ಮಣ್ಯ – ಗುಂಡ್ಯ ರಾಜ್ಯ ಪೆರ್ಸಾದಿದ ಕೆಂಜಾಳ ಮುಟ್ಟೊದ ಅನಿಲ ಪನ್ಪಿನವುಲು ಜೂನ್ 1 ತಾನಿ ರಾತ್ರೆ ನಡತ್‌ದ್ಂಡ್.
ಸ್ಲೀಪರ್ ಕೋಚ್ ಬಸ್ ಪುತ್ತೂರ್‌ರ್ದ್ ಕಾಣಿಯೂರ್‌ಡೆ ಆದ್ ಸುಬ್ರಹ್ಮಣ್ಯ ಪೋದು, ಅಲ್ತ್‌ರ್ದ್ ಬೆಂಗ್ಳೂರ್‌ಗ್ ಪೋವೊಂದುಪ್ಪುನಗ ಕೆಂಜಾಳ ಮುಟ್ಟೊಡು ಅನಿಲ ಪನ್ಪಿನಲ್ಪ ಕಾಡಾನೆ ಉಂತುದಿತ್ತ್ಂಡ್. ಉ್ಂದೆನ್ ತೂದು ಡ್ರೈವರ್ ತಪ್ಪಾಯೆರ ಪುನೆದೆರ್.
ಆಂಡ ಆ ಪೊರ್ತುಗಾನಗ ಆನೆ ಬಸ್ಸ್‌ದ ದತ್ತ ಮರ್ಗಿಲ್‌ಗ್ ಜಂತೊಡು ಕುತ್ತ್‌ದ್ಂಡ್. ಡ್ರೈವರ್‌ನ ಸಮಯಪ್ರಜ್ಞೆರ್ದಾವರ ಪ್ರಯಾಣಿಕೆರ್ ಅಪಾಯೊರ್ದು ದೂರಾತೆರ್, ಬಸ್ಸ್‌ಗ್ ಒಂತೆ ಪೆಟ್ಟಾತ್ಂಡ್.
ಜಾಗೆಗ್ ಸುಬ್ರಹ್ಮಣ್ಯ ವಲಯ ಅರಣ್ಯಾಧಿಕಾರಿ ರಾಘವೇಂದ್ರೆರ್ ಬತ್ತ್‌ದ್ ಪರಿಶೀಲನೆ.
ಮಲ್ದೆರ್.
ಒಂತೆ ದಿನೊಕು ದುಂಬು ಕಡಬ ಪರಿಸರೊಡು ಕಾಡಾನೆ ಒಂಜಿ ನರಮಾನ್ಯನ ಮಿತ್ತ್ ದಾಳಿ ಮಲ್ದಿತ್ತ್ಂಡ್, ಅವೆರ್ದೊಂತೆ ತಿಂಗೊಲುಗು ದುಂಬು ಕಾಡಾನೆ ದಾಳಿರ್ದಾವರ ರಡ್ಡ್ ಜನ ಪೆಲಣಲಾ ಬುಡ್ತೆರ್.
ಆಯಿನಾತ್ ಬೇಗೊಡು ಇಲಾಖೆ ಈ ದಿಟ್ಟಿಡ್ ಕ್ರಮ ಗೆತೊಂಡ ಮಾತೆರೆಗ್ಲಾ ಎಡ್ಡೆ ಪಂದ್ ಈ ಪರಿಸರೊದಕ್ಲೆನ ಪಾತೆರ.