Last updated on June 17th, 2023 at 09:29 am
ಈ ಸಲ ಮರಿಯಲ ಪಿರ ಪೋತಿಲೆಕ್ಕ ತೋಜುಂಡು, ಕೀರ್ ಕಟ್ಟ್‌ದ್ ಬರ್ಸ ಬರೊಡಿತ್ತಿನ ಪೊರ್ತುಡು ಅಟಾರ ದೊಂಬು ಉಂಡು. ಉಂದೆತ ನಡುಟು ತುಳುವೆರ್ ಮೀನ್‌ದ ಪಲದೆಲಾ ಮಲ್ಪಂದಿಲೆಕ್ಕ ಆತ್ಂಡ್. ಬಿಪರ್‌ಜಾಯ್ ಚಂಡಮಾರುತೊರ್ತು ತುಳುನಾಡ್‌ಡ್ ಪಜ್ಜಿ ಮೀನ್‌ಗ್ಲಾ ಯತ್ವಾರ ಬೈದ್ಂಡ್. ಯಾಂತ್ರೀಕೃತ ಬೋಟುಲು ಜೂನ್ 1ರ್ದ್ ಜುಲೈ 31 ಮುಟ್ಟ ಕಡಲ್ ಜಪ್ಪರೆ ಬಲ್ಲಿ ಪನ್ಪಿನ ನಿಷೇಧ ಉಂಡು. ಅಂಚಾದ್ ಮಚ್ಚೊಂಗುಲೆ ಬೋಂಟೆ ಕಾಲಿ ನಾಡ ವಾಡೊಲೆಡೇ ಆವೊಡು. ಆಂಡ ಚಂಡಮಾರುತೊರ್ದು ನಾಡವಾಡೊಲುಲಾ ಸರಿಗಟ್ಟ್ ಜಪ್ಪಂದೆ ಪಜ್ಜಿ ಮೀನ್‌ಲು ತಿಕ್ಕಂದೆ ಮೀನ್ ಪ್ರಿಯೆರೆಗ್ ಮಂಡೆಬೆಚ್ಚ ಆತ್ಂಡ್.