Last updated on August 15th, 2023 at 06:40 pm
ಆದಾಯೊರ್ದು ಎಚ್ಚಿನ ಆಸ್ತಿ ಇಪ್ಪುನ ಪ್ರಕರಣೊಡು ಕೆ.ಆರ್. ಪುರ ತಾಲುಕ್‌ದ ತಹಶೀಲ್ದಾರ್ ಅಜಿತ್ ಕುಮಾರ್ ರೈನ್ ಲೋಕಾಯುಕ್ತ ಪೊಲೀಸೆರ್ ಗುರುವಾರ ಕೈದ್ ಮಲ್ದೆರ್.
ಅಜಿತ್‌ಡ ಮಲ್ಲ ಪ್ರಮಾಣೊದ ಬೇನಾಮಿ ಆಸ್ತಿಲೆನ ದಾಖಲೆಲು ತಿಕ್ಕ್‌ದ. ಐಕ್‌ಲೆನ ಬಗ್ಗೆ ವಿಚಾರಣೆ ಮನ್ಪರೆ ಉಂಡು. ಬೇನಾಮಿ ವ್ಯಕ್ತಿಲೆನ್ಲಾ ವಿಚಾರಣೆ ಮನ್ಪರೆ ಉಂಡು. ಬುಧವಾರ ರಾತ್ರೆ ಆರೋಪಿನ್ ವಶೊಕು ಗೆತೊಂದ. ಗುರುವಾರ ಕಾಂಡೆ ಕೈದ್ ಮಲ್ದ’ ಪಂದ್ ಲೋಕಾಯುಕ್ತದ ಬೆಂಗ್ಳೂರ್ ನಗರ ಘಟಕೊದ ಎಸ್ ಪಿ ಕೆ.ವಿ. ಅಶೋಕ್ ತೆರಿಪಾದೆರ್.
ಈತ್‌ನೇಟ 150 ಎಕರೆಗ್ಲಾ ಎಚ್ಚಿನ ಬೇನಾಮಿ ಆಸ್ತಿಲೆನ ದಾಖಲೆನ್ ವಶೊಕು ಗೆತೊಂದ, ಆರೋಪಿ ಆಸ್ತಿಲೆನ ಮೂಲ ಬೊಕ್ಕ ಗೆತೊಂದಿನೆದ ಬಗ್ಗೆ ಸಮ ಒಲವು ಕೊರೊಂದಿಜ್ಜೆರ್. ಈ ನೆವನೊರ್ದಾವರ ಕೈದ್ ಮಲ್ದ ಪಂದ್ ಒಲವು ಕೊರ್ಯೆರ್.