Last updated on June 2nd, 2023 at 01:01 pm
ಗುರುವಾರ ಓಮನ್‌ಡ್ ನಡತಿನ ಮೆನ್ಸ್ ಏಷಿಯಾ ಕಪ್ ಹಾಕಿ-2023ದ ಫೈನಲ್ ಗೊಬ್ಬುಡು ಭಾರತ ಪಾಕಿಸ್ತಾನೊನು 2-1ಟ್ ಸೋಪಾದ್ ನಾಲನೇ ಸರ್ತಿ ಏಷಿಯಾ ಕಪ್ ಗೆಂದ್ಂಡ್.
ಗೊಬ್ಬುದ ಸುರುತ ಅರ್ಧೊಡು ಅಂಗದ್ ಬೀರ್ ಸಿಂಗ್ (13ನೇ ನಿಮಿಷ) ಬೊಕ್ಕ ಅರೈಜೀತ್ ಸಿಂಗ್ ಹಂದಾಲ್ (20ನೇ ನಿಮಿಷ) 2 ಗೋಲ್ ಮಲ್ತ್‌ದ್ ಭಾರತೊನು ಆಯಕಟ್ಟ್‌ದ ಜಾಗೆಡ್ ಉಂತಾಯೆರ್. ಪಾಕಿಸ್ತಾನೊದ ಒಂಜೇ ಒಂಜಿ ಗೋಲ್ ಗೊಬ್ಬುದ ಅಕೇರಿಡ್ 37ನೇ ನಿಮಿಷೊಡು ಅಬ್ದುಲ್ ಬಷಾರತ್‌ನ ಕಡೆರ್ದ್ ಬತ್ತ್ಂಡ್.
ಭಾರತ ಉ್ಂದೆಕ್ ದುಂಬು 2004, 2008, 2015 ಟ್ ಏಷಿಯಾ ಕಪ್ ಗೆಂದ್‌ದಿತ್ತ್ಂಡ್. ಈ ಸರ್ತಿದ ರನ್ನರ್-ಅಪ್ ಪಾಕಿಸ್ತಾನೊಲಾ 1987, 1992,
1996ಡ್ ಮೂಜಿ ಸರ್ತಿ ಕಪ್ ಗೆಂದ್‌ದಿತ್ತ್ಂಡ್.
ಕಡೀರ್‌ರ್ದೇ ಆಕ್ರಮಣಕಾರಿಯಾದ್ ಗೊಬ್ಬಿನ ಭಾರತ 20 ನಿಮಿಷದುಲಯಿಡೇ 2 ಗೋಲ್ ಮಲ್ತ್‌ದ್ ಪಾಕಿಸ್ತಾನೊದ ಗೊಬ್ಬುಗಾರೆರೆನ್ ಸುರುತ ಅರ್ಧಗೊಬ್ಬು ಮುಟ್ಟಲಾ ಬಂಙಬರ್ಪಾಯೆರ್.
ರಡ್ಡನೇ ಅರ್ಧಗೊಬ್ಬುಡು ಅಟ್ಯಾಕ್, ಪೆನಾಲ್ಟಿ ಶಾಟ್ ಮಸ್ತ್ ತಿಕ್ಕ್ಂಡಲಾ ಪಾಕಿಸ್ತಾನೊಗು ಅವೆನ್ ಗೋಲ್ ಆದ್ ತಿರ್ಗಾವರೆ ಆಯಿಜಿ.
ಭಾರತೊಲಾ ಒಂಜಿ ರಡ್ಡ್ ಪೆನಾಲ್ಟಿ ಶಾಟ್‌ಲೆನ್ ಗೋಲ್ ಆದ್ ತಿರ್ಗಾವರಾವಂದೆ ಗೋಲ್ ಕಲೆವೊಂಡೆರ್.