Last updated on June 10th, 2023 at 01:11 pm
ಕಾಲೇಜಿಗ್ ಪೋವೊಂದಿಪ್ಪುನಗ ಪಿರವುಡು ಬತ್ತ್ ಅಸಭ್ಯವಾದ್ ವರ್ತನೆ ಮಲ್ತ್ ಕಿರುಕುಳ ಕೊರಿನ ಆನಗ್ ಪೆೊಣ್ಣು ಬೊಕ್ಕ ಅಲ್ಪದಕುಲು ಪೆಟ್ಟ್ ಪಾಡ್ ದ್ ಪೋಲೀಸೆರೆಗ್ ಒಪ್ಪಾಯಿನ ನಡಕೆ ಕುಂದಾಪುರ ತಾಲೂಕುಡು ನಡತ್ಂಡ್. ಬಾರ್ಕೂರುಡು ಶಾಮಿಯಾನ ಅಂಚೆನೆ ಕೂಲಿ ಬೇಲೆ ಮಲ್ತೊಂದು ಬಾಡಿಗೆದ ಇಲ್ಲಡ್ ಉಪ್ಪುನ 35 ವರ್ಸದ ನಜೀರ್ ಆರೋಪಿ. ಪೊಣ್ಣೊರ್ತಿ ಬೀಜಾಡಿ ವಕ್ವಾಡಿ ರೋಡುಡು ಹಾಸ್ಟೆಲ್ ರ್ದ್ ಕಾಲೇಜಿಗ್ ಪೋನಗ ಪಿರವುರ್ದ್ ಬತ್ತಿನ ನಜೀರ್ ಅಲೆಗ್ ಕಿರುಕುಳ ಕೊರ್ದು ಅಸಬ್ಯ ವರ್ತನೆ ಮಲ್ತೆಗೆ. ಉಂದೆರ್ದ್ ಪೋಡಿನ ಪೊಣ್ಣು ಕಲ್ಕಿಯೊಲು. ಅದಗನೇ ಪಾರ್ ಬತ್ತಿನ ಅಲ್ಪದಕುಲು ಆಯನ್ ಪತ್ತಿಯೆರ್, ಪೊಣ್ಣು ಆಯಗ್ ಮುಟ್ಟುಡು ನಾಲ್ ದರ್ತೊಲು ಬೊಕ್ಕ ಪೋಲೀಸೆರೆಗ್ ಆಯನ್ ಒಪ್ಪಾಯೆರ್.