Last updated on June 5th, 2023 at 03:59 pm
ಕುಡ್ಲ: ತನ್ನ ಬೊಡೆದಿಡ ಜತೆ ಅಕ್ರಮ ಸಂಬಂಧ ದೀವೊಂದೆ ಪನ್ಪಿ ಸಂಶಯೊಡು ಒರಿ, ಒಂಜಿ ಜವನನ ತಿಗಲೆಗ್ ರಾಡ್‌ಡ್ ಆಕ್‌ದ್ ಕೆರ್ತಿನ ನಡಕೆ ಕೂಳೂರ್‌ಡ್ ಐತಾರ ನಡತ್‌ದ್ಂಡ್.ಪಶ್ಚಿಮ ಬಂಗಾಳೊದ ವಾಸುದೇವ ಗುನಿಯಾ (34) ಕೆರ್ತಿನ ಆರೋಪಿ ಪಂದ್ ಪೊಲೀಸೆರ್ ತೆರಿಪಾದೆರ್. ಆರೋಪಿನ್ ಕಾವೂರು ಪೊಲೀಸೆರ್ ಕೈದ್ ಮಲ್ದೆರ್.
ಪಶ್ಚಿಮ ಬಂಗಾಳೊದ ವಾಸುದೇವ ಗುನಿಯಾ (34) ಕೆರ್ತಿನ ಆರೋಪಿ ಪಂದ್ ಪೊಲೀಸೆರ್ ತೆರಿಪಾದೆರ್. ಆರೋಪಿನ್ ಕಾವೂರು ಪೊಲೀಸೆರ್ ಕೈದ್ ಮಲ್ದೆರ್.
ಮೂಲತಃ ಪಶ್ಚಿಮ ಬಂಗಾಳೊದಾಯೆ ಆದುಪ್ಪುನ, ಇತ್ತೆ ಕುಳೂರ್‌ಡ್ ಇತ್ತಿನ ಬಿಕಾಸ್ ಗುನಿಯಾ (22) ಕೊಲೆ ಆತಿನ ಜವನೆ.
ಸೈದಿನ ಬಿಕಾಸ್ ಗುನಿಯಾ ಬೊಕ್ಕ ಆರೋಪಿ ವಾಸುದೇವ ಗುನಿಯಾ ಪಶ್ಚಿಮ ಬಂಗಳೊದಕುಲಾದಿತ್ತ್‌ದ್, ಕುಳೂರ್‌ಡ್ ಮೇಸ್ತ್ರಿ ಬೇಲೆ ಮಲ್ತೊಂದಿತ್ತೆರ್. ವಾಸುದೇವ ಗುನಿಯಾಗ್ ಬಿಕಾಸ್ ಗುನಿಯಾನ ಊರ್‌ದ ಜವನ್ದಿನ್ ಒಂಜಿ ವರ್ಸೊದ ಪಿರಪ ಮದಿಮೆ ಮಲ್ತ್ ಕನತಿತ್ತ್ಂಡ್. ಆಯನ ಬೊಡೆದಿ ಪಶ್ಚಿಮ ಬಂಗಳೊಡೇ ಇತ್ತಲ್. ಆಲೆಡ ಬಿಕಾಸ್ ಗುನಿಯಾಗ್ ಅಕ್ರಮ ಸಂಬಂಧ ಉಂಡು, ದಿನೊಲಾ ಮೊಬೈಲ್‌ಡ್ ಆಲೆಡ ಪಾತೆರ್ವೆ ಪನ್ಪಿ ಸಂಶಯೊಡು ಮೊಖಲೆನ ನಡುಟ್ ಉ್ಂದೆಕ್ ದುಂಬುಲಾ ಪೆಟ್ಟ್ ಲಡಾಯಿಲಾತಿನ ಉಂಡು. ಐತಾದ ಮಧ್ಯಾಹ್ನ ವಾಸುದೇವ ಗುನಿಯಾ ಪರ್ದ್ ಟೈಟಾದ್ ಅಕ್ರಮ ಸಂಬಂಧೊದ ನೆವನೊಡು ಬಿಕಾಸ್‌ಡ ವಾದೊಗು ಉಂತುದೆ. ಪಾತೆರೊಗು ಎದ್‌ರ್‌ಪಾತೆರ ಸೇರ್ದ್ ಆರೋಪಿ ವಾಸುದೇವೆ ರಾಡ್‌ಡ್ ಬಿಕಾಸ್‌ನ ತಿಗಲೆಗ್ ಆಕ್‌ದೆ. ಉ್ಂದೆರ್ದಾವರ ಗಾತಿದ ಪೆಟ್ಟಾಯಿನ ಬಿಕಾಸ್ ತೀರ್ದೆ ಪಂದ್ ಪೊಲೀಸೆರ್ ತೆರಿಪಾದೆರ್. ಕಾವೂರು ಪೊಲೀಸ್ ಸ್ಟೇಷನ್‌ಡ್ ಪ್ರಕರಣ ದಾಕಲಾತ್ಂಡ್.