Last updated on August 15th, 2023 at 06:42 pm
ಸುಳ್ಯ: ಸ್ವಿಫ್ಟ್ ಕಾರ್‌ಗ್ ಅಂಕೆ ತತ್ತಿನ ಕಂಟೈನರ್ ಲಾರಿ ಎಡ್ತ್‌ದ್ ಒರಿ ತೀರ್ದ್, ನಾಲ್ ಜನೊಕು ಪೆಟ್ಟಾತಿನ ನಡಕೆ ಮಾಣಿ ಮೈಸೂರ್ ರಾಜ್ಯ ಪೆರ್ಸಾದಿದ ದೇವೆರೆ ಕೊಲ್ಲಿ ಟರ್ನ್‌ಡ್ ನಡತ್‌ದ್ಂಡ್.
ತೀರಿನಾರೆನ್ ಬೆಂಗ್ಳೂರ್ ಮೂಲೊದ ರವಿ ಪಂದ್ ಗುರ್ತಪತ್ತ್‌ದೆರ್.
ಲಾರಿ ಡ್ರೈವರ್ ಕುಡ್ಲದ ಕುಳಾಯಿ ನಿವಾಸಿ ಈಶ್ವರೆ (42), ಕಾರ್‌ಡಿತ್ತಿನ ಪ್ರಯಾಣಿಕೆರ್ ಚಂದ್ರಶೇಖರೆ, ನಿತಿನ್, ಜಗದೀಶ್ ಬೊಕ್ಕ ಹರ್ಷೆ ಪನ್ಪಿನಕಲೆಗ್ ಗಡಿಕುಲಾತ. ಮೊಕಲೆಡ್ ಈಶ್ವರ, ಚಂದ್ರಶೇಖರ ಮತ್ತು ನಿತಿನ್ ಮೊಕ್ಲೆಗ್ ಸೀರಿಯಸ್ ಆದುಂಡು, ಕುಡ್ಲದ ಆಸ್ಪತ್ರೆಗ್ ಸೇರಾದೆರ್.
ಕಂಟೈನರ್ ಲಾರಿ ಮಡಿಕೇರಿರ್ದ್ ಕುಡ್ಲಗ್ ಬರೊಂದಿತ್ತ್ಂಡ್. ಕಾರ್ ಕುಡುಮರ್ದ್ ಸಂಪಾಜೆಡೆ ಆದ್ ಮಡಿಕೇರಿಗ್ ಪೋವೊಂದಿತ್ತ್ಂಡ್. ಕಂಟೈನರ್ ಲಾರಿದ ಬ್ರೇಕ್ ಫೇಲ್ ಆದ್ ಎದುರುಡು ಬರೊಂದಿತ್ತಿನ ಕಾರ್‌ಗ್ ಎಡ್ತ್‌ದ್ ಕಬ್ಬೆ ಬೂರ್ದ್ಂಡ್
ಜಾಗೆಗ್ ಪೋಲೀಸೆರ್ ಬತ್ತ್‌ದ್ ಪರಿಶೀಲನೆ ಮಲ್ತ್‌ದೆರ್.