Last updated on June 11th, 2023 at 11:15 am
ರಾಮಕುಂಜ: ಈ ಸರ್ತಿದ ದೊಂಬುದ ಪೆಟ್ಟ್‌ಡ್ ಒರ್ಮೆಲಾ ಪರ್ಪಿ ನೀರ್‌ಗ್ಲಾ ಎತ್ವಾರ ಉಂಡಾತ್ಂಡ್. ಬರ್ಸ ಬರ್ಪಿನ ಕಡೆಸ್ಸಿನೆರ್ದಾವರ ನರಮಾನಿ, ಮುರ್ಗೊಪಕ್ಕಿಲ್ಲಾ ಬಂಙೊಡು ಬೂರ್ದ. ಈ ದಿಟ್ಟಿಡ್ ಜಲಕ್ಷೋಭೆ ಕಮ್ಮಿ ಆವಡ್ ಅಂಚೆನೇ ಲೋಕೊದ ಮಾತೆರೆಗ್ಲಾ ಎಡ್ಡೆ ಆವಡ್ ಪಂಡ್‌ದ್ ಶ್ರೀ ರಾಮಕುಂಜೇಶ್ವರ ದೇಲಂತಡೆದ ಸಮಿತಿದ ಕಡೆರ್ದ್ ಪಾದಯಾತ್ರೆಗ್ ಲೆಪ್ಪು ಕೊರ್ದಿತ್ತೆರ್.
ಆ ಪ್ರಕಾರೊಡು ಇನಿ, ಜೂನ್ 11 ತ ಐತಾರದಾನಿ ಆತೂರು ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರಿ ಬ್ಯಾಂಕ್‌ದ ಎದುರುರ್ದ್ ಕಾಂಡೆ 8 ಗಂಟೆಗ್ ಪಿದಡಿನ ಪಾದಯಾತ್ರೆಡ್ ಸುಮಾರ್ 300ರ್ದ್‌ಲಾ ಎಚ್ಚ ಜನ ಸೇರ್ದ್ ದೇಲಂತಡೆ ಮುಟ್ಟ ಬಜಿ ಕಾರ್‌ಡ್ ನಡತ್‌ದ್ ಮಾಮಂಗಳಾರತಿದೊಟ್ಟುಗು ಜಲಕ್ಷಾಮ ಕಮ್ಮಿ ಆವಡ್, ಎಡ್ಡೆ ಬರ್ಸ ಬರಡ್, ಲೋಕೊಗು ಎಡ್ಡೆ ಆವಡ್ ಪಂಡ್ ಶ್ರೀ ರಾಮಕುಂಜೇಶ್ವರ ದೇಬೆರೆಡ ನಟ್ಟೊಂಡೆರ್.
ಮಾಮಂಗಳಾರತಿ ಮುಗಿಯಿನೇ ಎಡ್ಡೆ ಬರ್ಸ ಬತ್ತ್‌ದ್ ದೇಬೆರ್ ಕಾರ್ನಿಕ ತೋಜಾಯೆರ್.