Last updated on August 15th, 2023 at 06:41 pm
ಕುಡ್ಲ: ಕುಡ್ಲ ಪೇಂಟೆದ ಕಮೀಷನರೇಟ್‌ ಸೀಮೆಡ್ ಶಾಲೆ ಕಾಲೇಜಿಲೆನ ಮುಟ್ಟಡ್ ಗುಟ್ಕಾ, ಸಿಗರೇಟ್, ಪುಗೆರೆ ಸೇರ್ದ್ ಬೇತೆ ಅಮಲ್ ಸೊತ್ತುಲೆನ್ ಮಾರೊಂದಿತ್ತಿನ 153 ಅಂಗಡಿಲೆನ ಮಿತ್ತ್ ಕುಡ್ಲ ನಗರ ಪೊಲೀಸೆರ್ ಪ್ರಕರಣ ದಾಕಲ್ ಮಲ್ತೊಂದು ದಂಡ ಪಾಡ್‌ದೆರ್.
ಶಾಲೆ ಕಾಲೇಜಿಲೆನ ಮುಟ್ಟೊಡು ಇತ್ತಿನ ಒಟ್ಟು 348 ಅಂಗಡಿಲೆಗ್ ನೆನೆಪಂದೆ ದಾಳಿ ಮಲ್ತ್‌ದೆರ್. ಈ ಪೊರ್ತುಡು 153 ಅಂಗಡಿಲೆಡ್ ಅಮಲ್ ಸೊತ್ತುಲು ತಿಕ್ಕ್‌ದ. ಈ ದಿಸೆಟ್ ಆ ಅಂಗಡಿಲೆನ ಮಿತ್ತ್ COTPA (Cigarettes and Other Tobacco Products Act) ಕಾಯ್ದೆದಡಿಟ್ ಪ್ರಕರಣ ದಾಕಲ್ ಮಲ್ತೊಂದು ದಂಡ ಪಾಡ್‌ದೆರ್.
ದಂಡ ಪಾಡುನೆತ ಒಟ್ಟುಗು ಒವ್ವೇ ಪುಗೆರೆ, ಅಮಲ್ ಸೊತ್ತುಲೆನ್ ಮಾರಂದಿ ಲೆಕ ಎಚ್ಚರ್ಗೆ ಕೊರ್ತೆರ್. ಈ ಅಭಿಯಾನ ಇಡೆಗೆ ಉಂತುಜಿ, ನನಲಾ ದುಂಬರಿಯುಂಡು ಪಂದ್ ಕುಡ್ಲ ನಗರ ಪೊಲೀಸ್‌ ಆಯುಕ್ತೆ ಕುಲ್‌ದೀಪ್‌ ಆರ್‌ ಜೈನ್‌ ತೆರಿಪಾದೆರ್.
