ಕಾರ್ಲ : ಕಂಡನೆ ಬೊಡೆದಿ ಲಡಯಿ, ಗುಂಡಿಗ್ ಲಾಗಿನ ಬೊಡೆದಿ, ರಕ್ಷಣೆಗ್ ಪೋಯಿನ ಕಂಡನೆಲಾ ಸಾವು, ಜೋಕುಲೆಗ್ ಏರ್ಲಾ ಇಜ್ಜಿ!

Last updated on August 15th, 2023 at 06:41 pm

ಟಿವಿ ಮಾರುನೆತ್ತ ವಿಷಯೊಡು ಕಂಡನೆ ಬೊಕ್ಕ ಬೊಡೆದಿಗ್ ಲಡಯಿ ಆದ್ ಬೊಡೆದಿ ನೀರ್ ದಿಂಜಿದಿನ ಗುಂಡಿಗ್ ಲಾಗಿದ್ ಆತ್ಮಹತ್ಯೆಗ್ ಪುನೆಪು ಬತ್ತೆರ್. ಅಪಗ ಅಲೆನ್ ರಕ್ಷಣೆ ಮಲ್ಪರೆ ಗುಂಡಿಗ್ ಜತ್ತಿನ ಕಂಡನೆಲಾ ಜೀವ ಕಳೆಯೊಂಡೆರ್. ಈ ನಡಕೆ ಒಡಿಪು ಜಿಲ್ಲೆದ ಕಾರ್ಲ ತಾಲೂಕುದ ನಲ್ಲೂರು ತೋಟೊಡು ನಡತ್ಂಡ್. ತೀರಿನಕುಲು ಯಲ್ಲಾಪುರ ಮೂಲದ ಇಮ್ಯಾನುವೆಲ್ ಸಿದ್ಧಿ(40) ಬೊಕ್ಕ ಯಶೋಧಾ(32) ಪನ್ದ್ ತೆರಿದ್ ಬೈದ್ಂಡ್. ಸಿದ್ದಿ ಜನಾಂಗದಕುಲಾಯಿನ ಮೊಕುಲು ಕರಿನ ರಡ್ಡ್ ವರ್ಸೊರ್ದಿಂಚಿ ನಲ್ಲೂರುದ ತೋಟೊಡು ಬೇಲೆಗಿತ್ತೆರ್. ಜೋಕುಲು ಕೊರಿನ ಮಾಯಿತಿದ ಲೆಕ್ಕೊಡು ಟಿವಿ ಮಾರಿನ ವಿಷಯೊಡು ಕಾಂಡೆ ಅಕ್ಲೆನ ಅಪ್ಪೆ ಅಮ್ಮಗ್ ಲಡಯಿ ಆದ್, ಅಪಗ ಯಶೋಧ ಇಲ್ಲರ್ದ್ ಪೋದು ಕೈತಲ್ದ ಕೆದುಕು ಲಾಗಿಯೆರ್ಗೆ. ಅರೆನ್ ಒರಿಪಾವರೆ ಲಾಗಿನ ಸಿದ್ದಿಲಾ ತೀರಿಯೆರ್. ರಡ್ಡ್ ಜೋಕುಲು ಅನಾಥೆರಾಯೆರ್.