Last updated on August 15th, 2023 at 06:44 pm
ಜುಲೈ 1ರ್ದ್ ರಾಜ್ಯದ ಜನಕುಲೆಗ್ ಅರಿ ತಿಕ್ಕುಲೆಕ್ಕ ಪ್ರಾಮಾಣಿಕ ಪುನೆಪು ಬರ್ಪೆ. ಕೇಂದ್ರ ಸರಕಾರೊಡು ಬೋಡಾಯಿನಾತ್ ಅರಿತ ದಾಸ್ತಾನು ಉಂಡು, ಅಕುಲು ಕೊರ್ಪಿನ ಮನಸ್ ಮಲ್ಪೊಡು. ಪಾಪದಕಲೆಗ್ ಅರಿ ಕೊರ್ಪಿನ ವಿಷಯೊಡು ಏರ್ ಏತೇ ರಾಜಕೀಯ ಮಲ್ತೆರ್ಡಲಾ, ಎನ್ನ ಸರಕಾರ ಅನ್ನ ಭಾಗ್ಯ ಯೋಜನೆನ್ ಖಂಡಿತ ಜಾರಿ ಮಲ್ಪುಂಡು ಪನ್ದ್ ಸಿಎಂ ಪಂಡೆರ್.
ರಾಜ್ಯೊಡು ರಾಗಿ ಬೊಕ್ಕ ಜೋಳೊನು 6 ತಿಂಗೊಲು ಮುಟ್ಟ ಒರಿಯೊರಿಯಗ್ ರಡ್ಡ್ ಕೆ.ಜಿ ಕೊರ್ಪಿನಾತ್ ಮಾತ್ರ ದಾಸ್ತಾನು ಉಪ್ಪುನು. ಪರ ಮೈಸೂರು ಬಾಗದ ಜನಕುಲೆಗ್ 2 ಕೆ.ಜಿ ರಾಗಿ ಅಂಚೆನೆ ಹೈದರಾಬಾದ್ ಕರ್ನಾಟಕ ಬೊಕ್ಕ ಮುಂಬೈ ಕರ್ನಾಟಕದಕಲೆಗ್ 2 ಕೆ.ಜಿ ಜೋಳ ಬೊಕ್ಕ ಒರಿನ ಮೂಜಿ ಕೆ.ಜಿದಾತ್ ಅರಿ ಕೊರೊಡಾಪುಂಡು. ಸಹಕಾರಿ ಒಕ್ಕೂಟದ ಬಗೆಟ್ ಪ್ರಧಾನಿ ಮೋದಿ ಯಾಪಲಾ ಪಾತೆರುವೆರ್, ಎಂಕುಲು ಒಕ್ಕೂಟ ವ್ಯವಸ್ಥೆಡ್ ಉಲ್ಲ. ಕೇಂದ್ರ ಸರಕಾರೊಗು ತೀರ್ವೆ ಬರ್ಪಿನಿ ರಾಜ್ಯೊಲೆರ್ದ್. ಅಂಚಾದ್ ಅಕುಲು ಒಕ್ಕೂಟ ಧರ್ಮ ಪಾಲನೆ ಮಲ್ತ್ ರಾಜ್ಯೊಲೆಗ್ ಸಹಕಾರ ಕೊರೊಡು ಪಂಡೆರ್.