Last updated on June 3rd, 2023 at 01:39 pm
ಭಾರತ ಸರಕಾರ G20 ಸಮಿಟ್‌ದ ಲೆಕ್ಕೊಡು ನಡಪಾಯಿನ ರಾಷ್ಟ್ರೀಯ ಮಟ್ಟದ ಪಂತೊಲೆಡ್ ಮೂಜಿ ಬಂಗಾರ್ ಅಂಚೆನೆ ಒಂಜಿ ಕಂಚಿದ ಪದಕೊನು ಸೌರಭ್ ಶೆಟ್ಟಿ ಗೆಂದ್‌ದೆರ್. ಮೆನ್ಸ್ ಫಿಸಿಕ್, ಮೆನ್ಸ್ ಫಿಟ್ನೆಸ್ ಮಾಡಲ್, ಮೆನ್ಸ್ ಕ್ಲಾಸಿಕ್ಡ್ ಬಂಗಾರ್ ಅಂಚೆನೆ ಬಾಡಿಬಿಲ್ಡಿಂಗ್‌ಡ್ ಕಂಚಿದ ಪದಕೊ ಸೌರಭೆರೆಗ್ ತಿಕ್ಕ್ಂಡ್. ಬರ್ಪಿ ಮೂಜಿ ತಿಂಗೊಲುದ ಉಲಯಿ ಕೊರಿಯಡ್ ನಡಪರೆ ಉಪ್ಪುನ ಅಂತರಾಷ್ಟ್ರೀಯ ಪಂತೊಲೆಗ್ಲಾ ಮೇರ್ ಅಜತ್ ಬೈದೆರ್. ಸುಮಾರ್ 500 ಜನ ದೇಶದೊರ್ಮೆದ ಜವನೆರ್ ಈ ಪಂತೊಡು ಇತ್ತೆರ್, ನಮ್ಮ ತುಳುನಾಡ್‌ರ್ದ್ ಸೌರಭ್ ಒರಿಯೇ ಇತ್ತಿನಿ. ಮೇರ್ ಆತ್ ಜನನ್ ಪಿರ ಪಾಡ್ದ್ ಪಂತ ಗೆಂದಿನವು ಕುಡ್ಲಗ್ ಮಾತ್ರ ಅತ್ತ್ ಇಡೀಕ ತುಳುನಾಡ್‌ಗೇ ಪೆರ್ಮೆದ ವಿಷಯೊ. ಕುಡ್ಲದ ಬಿಜೈದಾರಾಯಿನ ಮೇರ್, 2017ಟ್ಟ್ ಮಿಸ್ಟರ್ ಮ್ಯಾಂಗಲೋರ್ ಗೆಂದ್‌ದ್ 2018ಡ್ ಮಿಸ್ಟರ್ ಇಂಡಿಯಾಡ್ ರನ್ನರ್ ಅಪ್ ಆದ್‌ಲಾ ಇತ್ತೆರ್.