Last updated on August 15th, 2023 at 06:42 pm
ಪೆದ್ದ್‌ನಗ ಮಸ್ತ್ ನೆತ್ತೆರ್ ಪೋದು ಪೊಂಜೊವು ಒರ್ತಿ ತೀರಿನ ನಡಕೆ ಜೂನ್ 20ಗು ರಾತ್ರೆ ನಡತ್ಂಡ್. ಉಬಾರ್‌ದಲ್ಪದ ಬಂಡಾಡಿ ಗ್ರಾಮದ ಮುರ ಕಾಲೊನಿದ ಬಾಲಕೃಷ್ಣ ಗೌಡ ಮೆರೆನ ಬೊಡೆದಿ 28 ವರ್ಸದ ಆಶಾ ಕಾರ್ಯಕರ್ತೆ ಭವ್ಯ ತೀರಿನಾರ್. ಪುಟ್ಟಿನ ಆನ್ ಬಾಲೆ ಹುಸಾರುಂಡು ಪನ್ದ್ ತೆರಿದ್ ಬೈದ್ಂಡ್.
ಭವ್ಯ ಮೆರೆಗ್ ಉಂದು ಮೂಜನೇ ಪೆದ್ದನೆ. ಬೇನೆ ಸುರು ಆಯಿನೇ ಅರೆನ್ ಪುತ್ತೂರುದ ಆಸ್ಪತ್ರೆಗ್ ಕೊನೊದಿತ್ತೆರ್. ಅಲ್ಪ ಆರ್ ಆನ್ ಬಾಲೆ ಪೆದ್ದಿಯೆರ್. ಆಂಡ ರಕ್ತಸ್ರಾವ ಜಾಸ್ತಿಯಾಂಡ್, ಅವೆನ್ ತಡಪುನ ಮರ್ದ್ ಪಲಿಪಂದಿನ ತೂದು ವೆನ್‌ಲಾಕ್ ಆಸ್ಪತ್ರೆಗ್ ಕೊನೊದಿತ್ತೆರ್. ಅಲ್ಪಲಾ ಮರ್ದ್ ಪಲಿಪಂದೆ ಜೂನ್ 21ಕ್ಕ್ ಕಾಂಡೆ ತೀರಿಯೆರ್.