Last updated on June 6th, 2023 at 12:08 pm
ಒಂತೆ ದಿನೊರ್ದು ದುಂಬು ತುಳುವಾಣಿಡ್ ಕಿಶನ್ ಶೆಟ್ಟಿ ಪನ್ಪಿನಾರ್ ಮದಿರೆಂಗಿದಾನಿ ತಪ್ಪಾಡ್ದ್ ಪೋತೆರ್ ಪನ್ದ್ ವರದಿ ಆದಿತ್ತ್ಂಡ್. ವರ್ಕಾಡಿ ದೇವಂದಪಡ್ಪುದ ಕಿಶನ್ ಶೆಟ್ರ್ ತನ್ನ ತಂಗಡಿಗ್ ಮೆಸೇಜ್ ಮಲ್ತ್ ಯಾನ್ ಬಳ್ಳಾರಿಡ್ ಉಲ್ಲೆ, ನನ ಯಾಪಲಾ ಊರುಗು ಬರ್ಪುಜಿ ಪನ್ದ್ ಪನ್ತೆರ್. ಮೇ 31ಕ್ಕ್ ತನ್ನ ಮದಿರೆಂಗಿದಾನಿ ಫಲವಸ್ತು ಕನರೆ ಅಂಗಡಿಗ್ ಪೋದಿತ್ತಿನ ಕಿಶನ್ ಬೊಕ್ಕ ಪಿರ ಬೈಜೆರ್. ಈ ಬಗೆಟ್ ಕೊಣಾಜೆ ಸ್ಟೇಷನ್ ಡ್ ಒಯಿಲ್ ಪಾಡ್ದಿತ್ತೆರ್. ಯಾನ್ ಬಳ್ಳಾರಿಡ್ ಉಲ್ಲೆ, ಸ್ಕೂಟರ್ ಮೆಲ್ಕಾರ್ ಆರ್ ಟಿ ಓ ದಲ್ಪ ದೀತೆ ಪನ್ದ್ ಕಿಶನೆರ್ ಮೆಸೇಜ್ ಡ್ ತೆರಿಪಾದೆರ್. ಪಿರ ತಂಗಡಿ ಫೋನ್ ಮಲ್ಪರೆ ತೂನಗ ಮೊಬೈಲ್ ಸ್ವಿಚ್ ಆಫ್ ಮಲ್ದೆರ್ಗೆ. ಕಿಶನೆರೆನ ಅಮ್ಮೆರ್ ಉದ್ಯಮಿ ಐತಪ್ಪ ಶೆಟ್ರ್ ಆ ಬಗೆಟ್ ಸ್ಟೇಷನ್ ಗ್ ತೆರಿಪಾದೆರ್.