Last updated on August 3rd, 2023 at 08:26 pm
ಕುಡ್ಲದ ಅಂತರಾಷ್ಟ್ರೀಯ ಇಮಾನ ಉಂತಡೆರ್ದ್ ದುಬೈಗ್ ಪೋವೊಡಿತ್ತಿನ ಏರ್ಇಂಡಿಯಾ ಇಮಾನಡ್ ತಾಂತ್ರಿಕ ದೋಷ ತೋಜಿದ್ ಬತ್ತ್ಂಡ್, ಅಂಚಾದ್ ಪ್ರಯಾಣಿಕೆರ್ ಪಗತೆಗ್ ಬೇತೆ ಇಮಾನೊಡು ಅಂಗಾರೆ ಮಧ್ಯಾಹ್ನ ತೆಲಾಯೆರ್.
ಈ ಇಮಾನ ಕಡೆಸ್‌ದ್ ಪಿದಡಿನೆರ್ದ್ ಪ್ರಯಾಣಿಕೆರ್ 13 ಗಂಟೆದಾತ್ ಪೊರ್ತು ಇಮಾನ ಉಂತಡೆಟೇ ಕಾಪೊಡಾಂಡ್. ಈ ಇಮಾನ ಕಡೆಸಿನೆರ್ದ್ ಅಂಗಾರೆ ದುಬೈಗ್ ಪೋವೊಡಿತ್ತಿನ ಕುಡೊಂಜಿ ಇಮಾನದಲಾ ಪೊರ್ತು ತತ್ತ್ಂಡ್. ಕಾಂಡೆ 9:15ಗ್ ಪೋವೊಡಿತ್ತಿನವು ಬಯ್ಯಗ್ 6:45ಕ್ಕ್ ಪಿದಡ್ಂಡ್.
ರಾತ್ರೆ ಇಡೀ ಉಂತಡೆಟೇ ಇತ್ತಿನ ಪ್ರಯಾಣಿಕೆರೆ ಪಿಸಿರ್‌ಡ್ ಏರ್ಇಂಡಿಯಾದಕಲೆಡ ಪಾತೆರೊಗು ಪಾತೆರ ಗೋಡ್ಯಾಯೆರ್. ಪ್ರಯಾಣಿಕೆನ್ ಮಾನಾವರೆ ಏರ್ಇಂಡಿಯಾದಕಲೆಗ್ ಬೊಡಿದ್ ಆಲಿಬಚ್ಚಿಂಡ್. ಸೋಮಾರ ರಾತ್ರೆ ತೆಲವೊಡಿತ್ತಿನ ಇಮಾನೊಡು ಎಲ್ಯ ತಾಂತ್ರಿಕ ದೋಷ ತೋಜಿಂಡ್. ಈ ಇಮಾನ ದುಬೈ ಮುಟ್ಟ ಪೋವರೆ ಆಪುಜಿ ಅಂಚಾದ್ ತಿರುವನಂತಪುರಂಗ್ ಕೊನೊಡು ಅಲ್ಪ ಪಗತೆಗ್ ಬೇತೆ ಇಮಾನೊಡು ಕುಲ್ಲಾವ ಪನ್ದ್ ಸಿಬ್ಬಂದಿಲು ಪಂಡಿನೆನ್ ಪ್ರಯಾಣಿಕೆರ್ ಒತ್ತೊಂಜೆರ್. ಅಂಚ ಅಂಗಾರೆ ನಡಿದೊಂಬು 12:10ಕ್ಕ್ ಇಮಾನ ಪಿದಡ್ಂಡ್.