Last updated on August 3rd, 2023 at 08:25 pm
ವಾಷಿಂಗ್ ಮೆಷಿನ್ ರಿಪೇರಿಗ್ ಬತ್ತಿನ ಟೆಕ್ನೀಶಿಯನ್‌ನ ಮಿತ್ತ್ ಹಲ್ಲೆ ಮಲ್ದಿನ ಬಗ್ಗೆ ಕುಡ್ಲ ಗ್ರಾಮಾಂತರ ಸ್ಟೇಷನ್‌ಡ್ ಪ್ರಕರಣ ದಾಕಲಾತ್ಂಡ್.
ಕೆತ್ತಿಕಲ್ಲ್‌ದ ಸುಚಿತ್ರಾ, ವಾಷಿಂಗ್ ಮೆಷಿನ್ ಹಾಳಾತಿನ ಬಗ್ಗೆ ಕಂಪೆನಿಗ್ ಒಯಿಲ್ ಕೊರ್ದಿತ್ತೆರ್. ಆ ಪ್ರಕಾರೊಡು ಎಲ್‌ಜಿ ಕಂಪೆನಿದ ಸರ್ವಿಸ್ ಸೆಂಟರ್‌ಡ್ ಟೆಕ್ನೀಶಿಯನ್ ಆದುಪ್ಪುನ ಕೇಶವ ಪನ್ಪಿನಾರ್ ಆ ಇಲ್ಲಗ್ ಪೋದು ಪರಿಶೀಲಿಪುನಗ ವಯರ್ ಬೊಕ್ಕ ಪೈಪ್‌ನ್ ಎಲಿ ಕತ್ತೆರ್ದಿನ ತೆರಿದ್‌ಬೈದ್ಂಡ್.
ಕಂಪೆನಿದಕುಲೇ ರಿಪೇರಿ ಮನ್ಪೊಡುಂದು ಇಲ್ಲದಕುಲು ಪಂಡಿನೆಕ್ ಕೇಶವೆರ್ ಐತಾರ ಮದ್ಯಾನ ಬೋಡಾಪಿ ಸೊತ್ತುಲೆನ್ ಪತೊಂದು ಸುಚಿತ್ರಾರೆನ ಇಲ್ಲಗ್ ಬತ್ತಿನೇ ಒಂಜಿ ಪಾರ್ಟ್ ವಾಷಿಂಗ್ ಮೆಷಿನ್‌ಗ್ ಸಮ ಆವಂದಿನೆರ್ದಾವರ ಮನದಾನಿ ಪಾಡುವೆ ಪಂದ್ ಪನ್ತೆರ್. ಇಂಚ ಪಂಡಿನೆಕ್ ಕೇಶವೆರೆಗ್ ಸುಚಿತ್ರಾರೆನ ಇಲ್ಲಡಿತ್ತಿನ ಆರೋಪಿ ಪೆದಂಬು ನೆರ್ದ್ ಮೇಲ್‌ಗ್ ಕೈ ಪಾಡ್ದೆ ಪಂದ್ ಒಯಿಲ್‌ಡ್ ಬರೆತೆರ್.