Last updated on August 3rd, 2023 at 08:23 pm
ಬಿ.ಸಿ.ರೋಡ್‌ರ್ದ್ ಕುಡ್ಲ ಪೋಪಿನ ರಾಷ್ಟ್ರೀಯ ಪೆರ್ಸಾದಿಡ್ ಅಡ್ಯಾರ್ ಸಹ್ಯಾದ್ರಿ ಕಾಲೇಜಿದ ಬರಿಟ್ ನಡತಿನ ಎಡ್ತೆಡ್ ವಳಚ್ಚಿಲ್ ಶ್ರೀನಿವಾಸ ಇಂಜಿನಿಯರಿಂಗ್ ಕಾಲೇಜಿದ ವಿದ್ಯಾರ್ಥಿ ಮಹಮ್ಮದ್ ನಶತ್ (21) ಪನ್ಪಿನಾರ್ ತೀರ್ದೆರ್.
ಕೋಡೆ ಕಾಂಡೆ ಬೈಕ್‌ಡ್ ಪೋವೊಂದುಪ್ಪುನಗ ಈ ನಡಕೆ ನಡತ್‌ದ್ಂಡ್. ಅಡ್ಯಾರ್‌ದ ರಾಷ್ಟ್ರೀಯ ಪೆರ್ಸಾದಿಡ್ ನಡತಿನ ಈ ನಡಕೆಡ್ ತೀರ್ದಿನ ಜವನೆ ಕೇರಳ ಮೂಲೊದಾಯೆ ಪಂದ್ ತೆರಿದ್‌ಬೈದ್ಂಡ್. ಈ ದೃಶ್ಯ ಸಿಸಿ ಟಿವಿ ಕ್ಯಾಮರಾಡ್ ಕೈದಾತ್ಂಡ್.
ಬಾರಿ ಬರಸ್‌ಡ್ ಇತ್ತಿನ ಬೈಕ್ ಡಿವೈಡರ್‌ಗ್ ಆಕ್‌ದ್ ಜವನೆ ಬೈಕ್‌ರ್ದ್ ದಕ್ಕಿಲೆಕ ಆದ್ ಪೆರಣ ಕಲೆವೊಂದೆ. ಬೈಕ್ ಬೊಕ್ಕ ಸವಾರೆ ಮಿತ್ತ್ ರಾದ್, ಕರೆಂಟ್ ಕಂಬಗ್ ಆಕ್‌ದ್ಂಡ್. ಈ ಪೊರ್ತುಡು ಜವನನ ತರೆಕ್ ಗಾತಿದ ಪೆಟ್ಟಾದ್, ಅಲ್ಪನೇ ತೀರ್ದೆ. ಜಾಗೆಗ್ ಕುಡ್ಲ ಸಂಚಾರಿ ತೆಂಕಾಯಿ ಪೊಲೀಸೆರ್ ಬತ್ತ್‌ದ್ ಒಲವು ಒಟ್ಟು ಮಲ್ದೆರ್.