Last updated on August 3rd, 2023 at 08:23 pm
ಗಂಗಸರೊಗು ರೇಟ್ ಎಚ್ಚ ಮಲ್ತಿನ ಬೆರಿಕೇ ಇತ್ತೆ ಕಾಂಗ್ರೇಸ್ ಸರಕಾರ ಪೇರ್‌ಗ್ ಲೀಟರ್‌ಗ್ ಮೂಜಿ ರೂಪಾಯಿ ಎಚ್ಚ ಮಲ್ತ್ ಜನಕುಲೆನ ಕಿಸೆಕ್ ಕತ್ತರಿ ಪಾಡೊಂದುಂಡು. ಒಂಜಿ ಕೈಟ್ ಕೊರಿಲೆಕ್ಕ ಮಲ್ತ್ ಕುಡೊಂಜಿ ಕೈಟ್ ದೆತೊನೊಂದುಂಡು. ಸ್ವತ ಅಕುಲೇ ಕೆಬಿಕ್ ಪೂ ದೀವೊಂದಿತ್ತಿನ ಕಾಂಗ್ರೇಸ್ ದಕುಲು ಇತ್ತೆ ಜನಕ್ಲೆನ ಮಂಡೆಗ್ ಫ್ಲವರ್ ಪಾಟ್ ದೀವೊಂದುಲ್ಲೆರ್ ಪನ್ದ್ ಮಾಜಿ ಮುಖ್ಯಮಂತ್ರಿ ಕುಮಾರಸ್ವಾಮಿ ಆರೋಪ ಮಲ್ತೆರ್.
ಓಟುರ್ದು ದುಂಬು ಬಿಲೆಏರ್ತೆದ ಬಗೆಟ್ ಬಾಯಿ ಬಾಯಿ ಬೊಟ್ಟೊಂದಿತ್ತಿನ ಕಾಂಗ್ರೇಸ್ದಕುಲು ಅಧಿಕಾರ ತಿಕ್ಕಿನಪಗ ಇತ್ತೆ ಅಕುಲೇ ಬಿಲೆಏರ್ತೆ ಮಲ್ತೊಂದುಲ್ಲೆರ್. ಅನ್ನಭಾಗ್ಯದ ಪನವುನು ಪೇರ್, ಗಂಗಸೊರೊಡು ಒಟ್ಟು ಮಲ್ಪರೆ ತೂವೊಂದುಲ್ಲೆರ್. ಮೊಕ್ಲೆನ ಪ್ರಣಾಳಿಕೆಡ್ ಪೇರ್ ಉತ್ಪಾದನೆ ಮಲ್ಪುನಕಲೆಗ್ ಬೆರಿಬಲತ ಪನವು ಕೊರ್ಪ ಪನ್ದ್ ಪನ್ದಿತ್ತೆರ್. ಇತ್ತೆ ರಡ್ಡ್ ತಿಂಗೊಲುಡೇ ಅವೆನ್ ಮದತೆರ್. ಮೊಕಲೆಗ್ ಪೇರಾಂಡ ದಾನೆ ಗಂಗಸರ ಆಂಡ ದಾನೆ ಒಟ್ಟುಗು ಬಂಡಾರ ದಿಂಜೊಡು ಆತೇ ಪನ್ದ್ ಕಾಂಗ್ರೇಸ್ ದ ಮಿತ್ತ್ ವಾಕ್ದಾಳಿ ಮಲ್ತೆರ್.