Last updated on August 3rd, 2023 at 08:21 pm
ಕೊಲ್ಲೂರ್‌ದ ಮುಟ್ಟದ ಅರಿಶಿನಗುಂಡಿ ಅರ್ಬಿಡ್ ಕಾರ್ ಜಾರ್‌ದ್ ಬೂರ್ದಿತ್ತಿನ ಜವನೆ ಶರತ್‌ನ ಪುನ ಇನಿ ತಿಕ್ಕ್‌ದ್ಂಡ್. ಕರಿನ ಒಂಜಿ ವಾರೊರ್ದಿಂಚಿ ಶರತ್‌ನಾ ನಾಡೆರೆಗಾದ್ ದಿನೋಲ ಕಾರ್ಯಾಚರಣೆ ನಡತೊಂದಿತ್ತ್‌ದ್ ಜವನನ ಪುನ ನಾಡುನೆಟ್ ಕಾಪು ಕಾರ್ಯಾಚರಣೆದ ಕೂಟ ಯಶಸ್ವಿಯಾತ್ಂಡ್.
ಜುಲೈ 23ತಾನಿ ವಾಚ್‌ಮ್ಯಾನ್‌ನಕಲೆನ ಕಣ್ತಪ್ಪಾದ್ ಅರಿಶಿನಗುಂಡಿ ಅರ್ಬಿಗ್ ಪೋದಿತ್ತಿನ ಶರತ್ ಅರ್ಬಿದ ಬರಿಟುಂತುದು ರೀಲ್ಸ್ ಮನ್ಪುನ ಪೊರ್ತುಡು ಕಾರ್ ಜಾರ್‌ದ್ ಬೂರ್ದಿತ್ತೆರ್. ಈ ನಡಕೆ ಪಡತಿಬೊಕ್ಕ ಶರತ್‌ನ್ ನಾಡೆರೆ ಬಾರಿ ಮಲ್ಲ ಕಾರ್ಯಾಚರಣೆನೇ ನಡತಿತ್ತ್ಂಡ್. ಇನಿ ಶರತ್ ಜಾರ್‌ದ್ ಬೂರ್ದಿನ ಜಾಗೆರ್ದ್ 200 ಮೀಟರ್ ದೂರೊದ ಬಂಡೆಕಲ್ಲ್‌‌ಡ್ ತಿಕ್ಕ್‌ದ್ಂಡ್ ಪಂದ್ ತೆರಿದ್‌ಬೈದ್ಂಡ್ .