ಕುಡ್ಲ ಜಿಲ್ಲೆದ ಶಾಲೆ ಜೋಕುಲೆಗ್ ನನಲ ಶೂ, ಮೋಜ ತಿಕ್ಕ್‌ದಿಜಿ

Last updated on August 3rd, 2023 at 08:28 pm

ದ.ಕ ಜಿಲ್ಲೆದ ಶಾಲೆ ಜೋಕುಲೆಗ್ ಮೋಜ ಬೊಕ್ಕ ಶೂ ಕೊರ್ಪಿನವು ಶಾಲೆ ಸುರು ಆದ್ ಒಂಜಿ ತಿಂಗೊಲು ಆಂಡಲ ನನಲ ಕೊರ್ತುಜಿ. ಬರ್ಪಿವಾರದುಲಾಯಿ ಉಂದು ತಿಕ್ಕುನ ಪುನೆಪು ಮಲ್ಪುವ ಪನ್ದ್ ಇಲಾಖೆದ ಅಧಿಕಾರಿಲು ತೆರಿಪಾದೆರ್.

ಶಾಲೆ ಸುರು ಆನಗನೇ ಉಂದೆನ್ ಪೂರಾ ಕೊರ್ಪಿನವು ರೂಡಿ ಇತ್ತ್ಂಡ್. ಆಂಡ ಈ ಸಲ ಫಂಡ್ ಬತ್ತಿನೇ ಒಂತೆ ದಿನೊತ ದುಂಬು ಅಂಚಾದ್ ಈ ಸಲ ಕೊರ್ನಗ ಕಡೆಸ್ಂಡ್. ಒಂಜಿ ರಡ್ಡ್ ವಾರೊಡು ಜೋಕುಲೆಗ್ ಶೂ ಬೊಕ್ಕ ಮೋಜ ಎತ್ತಾವುನ ಬೇಲೆ ಆಪುಂಡು. ಪಾಟ ಪುಸ್ತಕ ಬೊಕ್ಕ ಸಮಕುಂಟು ಸುರುಟೇ ಕೊರ್ದಾತ್ಂಡ್, ಉಂದು ಮಾತ್ರ ಕೊರಂದೆ ಒರಿದಿನಿ ಪನ್ದ್ ಅಧಿಕಾರಿ ಡಿ.ಆರ್ ನಾಯ್ಕ್ ತೆರಿಪಾದೆರ್.