ಹವಾಮಾನ ಸಮದಾಂತಿನೆರ್ದಾವರ ಕುಡ್ಲಡ್ ಜಪ್ಪಂದೆ ಕಣ್ಣೂರ್, ಬೆಂಗ್ಳೂರ್‌ಡ್ ಜತ್ತಿನ ಕುಡ್ಲದ ವಿಮಾನೊಲು

Last updated on August 3rd, 2023 at 08:23 pm

ಕುಡ್ಲ: ಹವಾಮಾನ ಸಮದಾಂತಿನೆರ್ದಾವರ ಕುಡ್ಲ ಅಂತಾರಾಷ್ಟ್ರೀಯ ವಿಮಾನ ಉಂತಡೆಡ್ ವಿಮಾನೊಲು ಜಪ್ಪುನ ಬೊಕ್ಕ ಮುಲ್ಪರ್ದ್ ಪಿದಡುನ ವೆವಸ್ಥೆಡ್ ಸನಿಯಾರ ಎಚ್ಚಿಕಮ್ಮಿ ಆಂಡ್.

ಕಾಂಡೆ 10.30ಕ್ಕ್ ಕುಡ್ಲ ವಿಮಾನ ಉಂತಡೆಡ್ ಜಪ್ಪೊಡಿತ್ತಿನ ಮುಂಬೈ- ಕುಡ್ಲ ಇಂಡಿಗೋ ವಿಮಾನ (6ಇ334) ಬೆಂಗ್ಳೂರ್ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ಉಂತಡೆಗ್ ಪೋಂಡು.
ಕಾಂಡೆ ಸುಮಾರ್ 11ಕ್ ಜಪ್ಪೊಡಿತ್ತಿನ ಬೆಂಗ್ಳೂರ್- ಕುಡ್ಲ ಇಂಡಿಗೋ ವಿಮಾನ (6ಇ496) ಕಣ್ಣೂರು ಅಂತಾರಾಷ್ಟ್ರೀಯ ವಿಮಾನ ಉಂತಡೆಡ್ ಜತ್ತ್ಂಡ್. ಈ ರಡ್ಡ್ ವಿಮಾನೊಲು ಮಧ್ಯಾನ ಕುಡ್ಲ ಅಂತಾರಾಷ್ಟ್ರೀಯ ವಿಮಾನ ಉಂತಡೆಗ್ ಪಿರ ಬತ್ತ್‌ದ್, ಮುಲ್ಪರ್ದ್ ಪ್ರಯಾಣ ದುಂಬರಿತ.
ಕುಡ್ಲ ವಿಮಾನ ಉಂತಡೆರ್ದ್ ನಿರ್ವಹಿಪುನ ಬೇತೆ ವಿಮಾನೊಲುಲಾ ಸನಿಯಾರ ತನ್ಕುಲೆ ಪೊರ್ತುಪಟ್ಟಿಡುಪ್ಪುನ ಗೊತ್ತುಮಲ್ದಿನ ಪೊರ್ತುರ್ದು ಕಡೆಸ್ಸ್‌ದೇ ಪಿದಡ್ಯ.