Last updated on August 3rd, 2023 at 08:26 pm
ಸುಳ್ಯ: ಕಾಡಮುರ್ಗೊಲೆನ ಬೋಂಟೆ ಮಲ್ತ್‌ದ್, ಕಜಿಪು ಮಲ್ತೊಂದುಪ್ಪುನಗ ಅರಣ್ಯಾಧಿಕಾರಿಲು ದಾಳಿ ಮಲ್ತ್‌ದ್ ಬೆಯ್ಪಾದಿನ ಮಾಸೊನು ವಶೊಕು ಗೆತೊಂದಿನ ನಡಕೆ ಸುಳ್ಯಡ್ ನಡತ್‌ದ್ಂಡ್.
ಕೊಡಗು ಸಂಪಾಜೆ ವಲಯೊದ ದಬ್ಬಡ್ಕದ ಪಟ್ಟಿಘಾಟ್ ಕಾಡ್‌ಡ್ ಬೋಂಟೆ ಮಲ್ದೆರ್ಂದ್ ತೆರಿದ್‌ಬೈದ್ಂಡ್. ಈ ದಿಟ್ಟಿಡ್ ಮೂಜಿ ಜನ ಆರೋಪಿಲೆನ ಇಲ್ಲಗ್ ದಾಳಿ ಮಲ್ತ್‌ದ್ ಮಾಸ ಬೊಕ್ಕ ಬೆಡಿನ್ ವಶೊಕು ಗೆತೊಂದೆರ್.
ಅರಣ್ಯಾಧಿಕಾರಿಲು ದಾಳಿ ಮಲ್ತಿಲೆಕನೆ ಆರೋಪಿಲು ದೆಂಗ್‌ತಪ್ಪಾದೆರ್ಂದ್ ತೆರಿದ್‌ಬೈದ್ಂಡ್. ಒತ್ತು ಅರಣ್ಯ ಸಂರಕ್ಷಣಾಧಿಕಾರಿ ಕೆ. ಟಿ. ಪೂವಯ್ಯೆರೆನ ಮಾರ್ಗದರ್ಶನೊಡು, ವಲಯ ಅರಣ್ಯ ಅಧಿಕಾರಿ ಮಧು ಸೂದನ್‌ರೆನ ಮುತಾಲಿಕೆಡ್, ಸಿಬ್ಬಂದಿಲಾಯಿನ ಒತ್ತು ವಲಯ ಅರಣ್ಯ ಅಧಿಕಾರಿ ನಿಸಾರ್ ಮಹಮ್ಮದ್, ಗಸ್ತು ಅರಣ್ಯ ಪಾಲಕೆ ಚಂದ್ರಪ್ಪ ಬಣಕಾರ್, ಕಾರ್ತಿಕ್ ಡಿ. ಬೊಕ್ಕ ಸಿಬ್ಬಂದಿಲು ಮನೋಜ್, ದುರ್ಗಾಪ್ರಸಾದ್, ಗಗನ್, ಶರತ್, ಶಂಕರ ಕಾರ್ಯಾಚರಣೆಯಲ್ಲಿ ಒಟ್ಟುಗಿತ್ತೆರ್.